YouTube 'ਤੇ ਨਹੀਂ ਦਿਸਣਗੇ Video 'ਤੇ ਆਏ Dislike, ਜਾਣੋ ਕੀ ਕਾਰਨ
Punjabi Pehchan / Chandigarh
ਯੂ-ਟਿਊਬ 'ਤੇ ਲਾਈਕ ਤੇ ਡਿਸਲਾਈਕ ਬਟਨ ਤੋਂ ਇਹ ਪਤਾ ਚੱਲਦਾ ਹੈ ਕਿ ਕਿੰਨੇ ਯੂਜ਼ਰਜ਼ ਨੇ ਉਸ ਵੀਡੀਆ ਨੂੰ ਪਸੰਦ ਕੀਤਾ ਤੇ ਕਿੰਨਿਆਂ ਨੇ ਉਸ ਨੂੰ ਨਾਪਸੰਦ। ਲਾਈਕ ਤੇ ਡਿਸਲਾਈਕ ਦੀ ਗਿਣਤੀ ਵੀ ਇੱਥੇ ਨਜ਼ਰ ਆਉਂਦੀ ਹੈ, ਪਰ ਹੁਣ YouTube ਨੇ ਇਸ ਵਿਵਸਥਾ 'ਚ ਬਦਲਾਅ ਕੀਤਾ ਹੈ। ਇਸ ਦੇ ਮੁਤਾਬਕ, ਡਿਸਲਾਈਕ ਬਟਨ ਨਜ਼ਰ ਆਵੇਗਾ, ਯੂਜ਼ਰਜ਼ ਉਸ 'ਤੇ ਕਲਿੱਕ ਵੀਕ ਰ ਸਕਣਗੇ, ਪਰ ਕਿੰਨੇ ਡਿਸਲਾਈਕ ਆਏ, ਇਹ ਪਤਾ ਨਹੀਂ ਲੱਗ ਸਕੇਗਾ। ਵੀਡੀਓ ਬਣਾਉਣ ਵਾਲਿਆਂ ਵੱਲੋਂ ਲੰਬੇ ਸਮੇਂ ਤੋਂ ਇਸ ਅਪਡੇਟ ਦੀ ਮੰਗ ਕੀਤੀ ਜਾ ਰਹੀ ਸੀ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਬਦਲਾਅ ਨਾਲ ਕ੍ਰਿਏਟਰਜ਼ ਨੂੰ ਟਾਰਗੇਟਿਡ ਸ਼ੋਸ਼ਣ ਤੋਂ ਬਚਾਇਆ ਜਾ ਸਕੇਗਾ।
ਕਿਸੇ ਅਦਾਕਾਰ ਜਾਂ ਇਕ ਪ੍ਰਭਾਵਸ਼ਾਲੀ ਵਿਅਕਤੀ ਖਿਲਾਫ਼ ਆਪਣੇ ਨਿੱਜੀ ਰੰਜ਼ਿਸ਼ ਲਈ ਅਕਸਰ ਲੋਕਾਂ ਵੱਲੋਂ YouTube ਦੀ ਦੁਰਵਰਤੋਂ ਕੀਤੀ ਜਾਂਦੀ ਹੈ। ਵੱਡੀ ਗਿਣਤੀ 'ਚ ਲੋਕ ਅਜਿਹੇ ਲੋਕਾਂ ਦੀ ਵੀਡੀਓ 'ਤੇ ਜਾਣਬੁਝ ਕੇ ਨਾਪਸੰਦ ਬਟਨ ਦਬਾਉਂਦੇ ਹਨ। ਕਦੀ-ਕਦਾਈਂ ਅਜਿਹੇ ਗਰੁੱਪਾਂ ਦਾ ਮਕਸਦ ਸਿਰਫ਼ ਡਿਸਲਾਈਕ ਦੀ ਗਿਣਤੀ ਵਧਾਉਣਾ ਹੁੰਦਾ ਹੈ। ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਅਚਨਚੇਤ ਮੌਤ ਤੋਂ ਬਾਅਦ ਪੂਰੇ ਬਾਲੀਵੁੱਡ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ। ਉਦੋਂ ਯੂਜ਼ਰਜ਼ ਨੇ ਜਾਣਬੁੱਝ ਕੇ ਬਾਲੀਵੁੱਡ ਦੀਆਂ ਹਸਤੀਆਂ ਦੀ ਵੀਡੀਓ 'ਤੇ ਡਿਸਲਾਈਕ ਬਟਨ ਦਬਾਇਆ ਸੀ, ਇਨ੍ਹਾਂ ਵਿਚ ਸਲਮਾਨ ਖ਼ਾਨ ਤੇ ਕਰਨ ਜੌਹਰ ਦੀਆਂ ਫਿਲਮਾਂ ਦੇ ਗਾਣੇ ਵੀ ਸ਼ਾਮਲ ਸਨ।
Dislike on the video will not appear on YouTube Know the reason
