ਵ੍ਰਿੰਦਾਵਨ ਹਾਦਸਾ: ਅਬੋਹਰ ਦੇ ਨੌਜਵਾਨ ਦੀ ਮੌਤ, ਸਤੰਬਰ ਵਿੱਚ ਵੱਜਣੀਆਂ ਸਨ ਸ਼ਹਨਾਈਆਂ
April 11, 2026
ਵ੍ਰਿੰਦਾਵਨ ਹਾਦਸਾ: ਅਬੋਹਰ ਦੇ ਨੌਜਵਾਨ ਦੀ ਮੌਤ, ਸਤੰਬਰ ਵਿੱਚ ਵੱਜਣੀਆਂ ਸਨ ਸ਼ਹਨਾਈਆਂ
ਵ੍ਰਿੰਦਾਵਨ ਵਿੱਚ ਹੋਏ ਦਰਦਨਾਕ ਕਿਸ਼ਤੀ ਹਾਦਸੇ ਨੇ ਇਕ ਹੋਰ ਘਰ ਦੇ ਚਿਰਾਗ ਨੂੰ
ਬੁਝਾ ਦਿੱਤਾ। ਅਬੋਹਰ ਦੇ 25 ਸਾਲਾ ਮਾਣਿਕ ਟੰਡਨ ਦੀ ਮੌਤ ਨਾਲ ਪਰਿਵਾਰ ‘ਤੇ ਦੁੱਖਾਂ ਦਾ ਪਹਾੜ ਟੁੱਟ ਪਿਆ ਹੈ।
ਜਿਸ ਘਰ ਵਿੱਚ ਕੁਝ ਮਹੀਨਿਆਂ ਬਾਅਦ ਵਿਆਹ ਦੀਆਂ ਤਿਆਰੀਆਂ ਹੋਣੀਆਂ ਸਨ, ਉੱਥੇ ਅੱਜ
ਸੋਗ ਦਾ ਮਾਹੌਲ ਹੈ।
ਮਾਣਿਕ, ਜੋ ਕਿ ਇਕ ਪ੍ਰਾਈਵੇਟ ਸਰੀਆ ਕੰਪਨੀ ਵਿੱਚ ਸੇਲਜ਼ਮੈਨ ਵਜੋਂ ਕੰਮ ਕਰਦਾ ਸੀ,
ਆਪਣੀ ਮਾਸੀ ਦੇ ਘਰ ਜਗਰਾਓਂ ਗਿਆ ਹੋਇਆ ਸੀ। ਉਥੋਂ ਉਹ ਆਪਣੇ ਮਾਸੜ ਦੇ ਪੁੱਤਰ ਨਾਲ
ਵ੍ਰਿੰਦਾਵਨ ਗਿਆ, ਜਿੱਥੇ ਯਮੁਨਾ ਦਰਿਆ ਵਿੱਚ ਮੋਟਰਬੋਟ ਪਲਟਣ ਕਾਰਨ ਇਹ ਭਿਆਨਕ ਹਾਦਸਾ ਵਾਪਰ ਗਿਆ।
ਹਾਦਸੇ ਵਿੱਚ ਮਾਣਿਕ ਦਾ ਮਾਸੜ ਭਰਾ ਕੱਲ੍ਹ ਹੀ ਮਿਲ ਗਿਆ ਸੀ, ਜਦਕਿ
ਮਾਣਿਕ ਦੀ ਲਾਸ਼ ਅੱਜ ਸਵੇਰੇ ਨਦੀ ਵਿੱਚੋਂ ਬਰਾਮਦ ਹੋਈ। ਇਹ ਖਬਰ ਮਿਲਦਿਆਂ ਹੀ ਉਸ ਦੀ ਬੁਜ਼ੁਰਗ
ਮਾਂ ਅਤੇ ਪਰਿਵਾਰ ਵਾਲਿਆਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੋ ਗਿਆ।
ਮਾਣਿਕ ਆਪਣੇ ਪਰਿਵਾਰ ਦਾ ਇਕਲੌਤਾ ਪੁੱਤਰ ਸੀ ਅਤੇ ਬਚਪਨ ਵਿੱਚ ਹੀ ਪਿਤਾ ਦਾ ਸਾਇਆ
ਸਿਰ ਤੋਂ ਉੱਠ ਗਿਆ ਸੀ। ਵੱਡੀ ਭੈਣ ਦਾ ਵਿਆਹ ਪਹਿਲਾਂ ਹੀ ਹੋ ਚੁੱਕਾ ਹੈ। ਹੁਣ ਮਾਂ ਦਾ ਇਕੱਲਾ
ਸਹਾਰਾ ਵੀ ਹਮੇਸ਼ਾ ਲਈ ਛਿਨ ਗਿਆ।
ਅਬੋਹਰ ਦੇ ਨਵੀਂ ਆਬਾਦੀ ਇਲਾਕੇ ਵਿੱਚ ਇਸ ਘਟਨਾ ਨਾਲ ਗਹਿਰਾ ਸੋਗ ਛਾਇਆ ਹੋਇਆ ਹੈ
ਅਤੇ ਹਰ ਕੋਈ ਇਸ ਨੌਜਵਾਨ ਦੀ ਅਚਾਨਕ ਮੌਤ ‘ਤੇ ਦੁੱਖ ਪ੍ਰਗਟ ਕਰ ਰਿਹਾ ਹੈ।
Death Youth
Recommended Posts
Religious
@Punjabi Pehchan
@Punjabi Pehchan
@Punjabi Pehchan
@Punjabi Pehchan
Latest
Most Visited Stories