ਹੁਣ 10 ਮਿੰਟਾਂ 'ਚ ਡਿਲੀਵਰ ਹੋਵੇਗਾ ਖਾਣਾ, Swiggy ਨੇ ਸ਼ੁਰੂ ਕੀਤੀ ਨਵੀਂ Bolt ਸਰਵਿਸ, 2700 ਤੋਂ ਵੱਧ ਰੈਸਟੋਰੈਂਟਾਂ ਨਾਲ ਮਿਲਾਇਆ ਹੱਥ
Punjabi Pehchan / Business
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਆਨਲਾਈਨ ਫੂਡ ਆਰਡਰਿੰਗ ਦੀ ਸਹੂਲਤ ਦੇਣ ਵਾਲੇ ਪਲੇਟਫਾਰਮ Swiggy ਨੇ ਇਕ ਨਵੀਂ ਸੇਵਾ ਸ਼ੁਰੂ ਕੀਤੀ ਹੈ। ਇਸ ਨਵੀਂ ਸੇਵਾ ਦਾ ਨਾਂ ਬੋਲਟ ਹੈ। ਇਸ ਰੈਪਿਡ ਡਿਲੀਵਰੀ ਸੇਵਾ ਵਿਚ, ਭੋਜਨ 10 ਮਿੰਟਾਂ ਵਿਚ ਡਿਲੀਵਰ ਕੀਤਾ ਜਾਵੇਗਾ। Swiggy ਦੀ ਨਵੀਂ ਸੇਵਾ ਬੋਲਟ 2KM ਦੇ ਘੇਰੇ ਵਿਚ ਰੈਸਟੋਰੈਂਟਾਂ ਤੋਂ ਗਾਹਕਾਂ ਨੂੰ ਭੋਜਨ ਪ੍ਰਦਾਨ ਕਰਦੀ ਹੈ। Swiggy ਨੇ ਕਿਹਾ ਕਿ ਕੰਪਨੀ ਦੇ ਬੋਲਟ ਫੀਚਰ 'ਚ ਫੇਮਸ ਡਿਸ਼ੇਜ ਸ਼ਾਮਲ ਕੀਤੇ ਗਏ ਹਨ, ਜਿਨ੍ਹਾਂ ਨੂੰ ਤਿਆਰ ਕਰਨ 'ਚ ਘੱਟ ਸਮਾਂ ਲੱਗਦਾ ਹੈ।
ਕਈ ਜ਼ਿਲ੍ਹਿਆਂ ਵਿਚ ਹੋਵੇਗੀ ਸ਼ੁਰੂਆਤ
ਇਸ ਵਿਚ ਬਰਗਰ, ਗਰਮ ਅਤੇ ਠੰਢੇ ਪੀਣ ਵਾਲੇ ਪਦਾਰਥ, ਨਾਸ਼ਤੇ ਦੀਆਂ ਚੀਜ਼ਾਂ ਅਤੇ ਬਿਰਯਾਨੀ ਸ਼ਾਮਲ ਹਨ। ਕੰਪਨੀ ਨੇ ਇਸ ਦੇ ਲਈ 2,700 ਤੋਂ ਜ਼ਿਆਦਾ ਰੈਸਟੋਰੈਂਟਾਂ ਨਾਲ ਹੱਥ ਮਿਲਾਇਆ ਹੈ। ਦੱਸਣਯੋਗ ਕਿ Swiggy ਨੇ ਹਾਲ ਹੀ 'ਚ IPO ਲਾਂਚ ਕਰਨ ਦੀ ਗੱਲ ਕੀਤੀ ਹੈ। Swiggy ਦੀ 10-ਮਿੰਟ ਦੀ ਡਿਲੀਵਰੀ ਸੇਵਾ ਹੈਦਰਾਬਾਦ, ਮੁੰਬਈ, ਦਿੱਲੀ, ਪੁਣੇ, ਚੇਨਈ ਅਤੇ ਬੈਂਗਲੁਰੂ ਵਿੱਚ ਪਹਿਲਾਂ ਹੀ ਪ੍ਰਮੁੱਖ ਸਥਾਨਾਂ 'ਤੇ ਉਪਲਬਧ ਹੈ। ਆਉਣ ਵਾਲੇ ਦਿਨਾਂ ਵਿੱਚ ਕਈ ਜ਼ਿਲ੍ਹਿਆਂ ਵਿੱਚ ਵੀ ਇਸ ਦੀ ਸ਼ੁਰੂਆਤ ਕੀਤੀ ਜਾਵੇਗੀ।
Powered by
Now food will be delivered in 10 minutes swiggy launched new bolt service
