ਅਗਵਾ ਅਤੇ ਲੁੱਟ ਦੇ ਮਾਮਲੇ ਵਿੱਚ ਮਨਬੀਰ ਸਿੰਘ ਚਾਹਲ ਦੀ ਭਾਲ; ਪੀਅਰਸ ਕਾਊਂਟੀ ਸ਼ੈਰਿਫ਼ ਵੱਲੋਂ ਲੋਕਾਂ ਨੂੰ ਮਦਦ ਦੀ ਅਪੀਲ
Punjabi Pehchan / Tacoma ,Wa
ਇੱਕ ਔਰਤ ਦੇ ਘਰ ਵਿੱਚ ਦਾਖ਼ਲ ਹੋ ਕੇ ਕੁੱਟਮਾਰ ਤੇ ਕਰਨ, ਉਸ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦੇਣ ਅਤੇ ਬੰਨ੍ਹਣ ਤੇ ਲੁੱਟਣ ਦੇ ਦੋਸ਼ ਹਨ
ਪੀਅਰਸ ਕਾਊਂਟੀ, ਵਾਸ਼ਿੰਗਟਨ: ਪੀਅਰਸ ਕਾਊਂਟੀ ਸ਼ੈਰਿਫ਼ ਦਫ਼ਤਰ ਦੇ ਜਾਂਚ ਅਧਿਕਾਰੀਆਂ ਨੇ ਅਗਵਾ ਅਤੇ ਲੁੱਟ ਦੇ ਮਾਮਲੇ ਵਿੱਚ ਲੋੜੀਂਦੇ ਮਨਬੀਰ ਸਿੰਘ ਚਾਹਲ ਦਾ ਪਤਾ ਲਗਾਉਣ ਲਈ ਲੋਕਾਂ ਤੋਂ ਮਦਦ ਮੰਗੀ ਹੈ।
ਸ਼ੈਰਿਫ਼ ਦਫ਼ਤਰ ਵੱਲੋਂ ਜਾਰੀ ਜਾਣਕਾਰੀ ਅਨੁਸਾਰ, 16 ਅਕਤੂਬਰ 2026 ਨੂੰ ਚਾਹਲ ਕਥਿਤ ਤੌਰ ’ਤੇ ਇੱਕ ਔਰਤ ਦੇ ਘਰ ਵਿੱਚ ਦਾਖ਼ਲ ਹੋਇਆ। ਉਸ ’ਤੇ ਔਰਤ ਦੇ ਚਿਹਰੇ ’ਤੇ ਵਾਰ ਕਰਨ, ਉਸ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦੇਣ ਅਤੇ ਬੰਨ੍ਹਣ ਤੋਂ ਬਾਅਦ ਲੁੱਟਣ ਦੇ ਦੋਸ਼ ਹਨ।
ਅਧਿਕਾਰੀਆਂ ਮੁਤਾਬਕ, ਚਾਹਲ ਪਹਿਲੇ ਦਰਜੇ ਦੇ ਅਗਵਾ ਅਤੇ ਪਹਿਲੇ ਦਰਜੇ ਦੀ ਲੁੱਟ ਦੇ ਦੋਸ਼ਾਂ ਤਹਿਤ ਲੋੜੀਂਦਾ ਹੈ। ਇਸ ਤੋਂ ਇਲਾਵਾ, ਉਸ ਖ਼ਿਲਾਫ਼ ਇੱਕ ਵੱਖਰੇ ਅਤੇ ਇਸ ਘਟਨਾ ਨਾਲ ਸਬੰਧਤ ਨਾ ਹੋਣ ਵਾਲੇ ਮਾਮਲੇ ਵਿੱਚ ਨਸ਼ੇ ਦੇ ਪ੍ਰਭਾਵ ਹੇਠ ਗੱਡੀ ਚਲਾਉਣ ਦਾ ਗ੍ਰਿਫ਼ਤਾਰੀ ਵਾਰੰਟ ਵੀ ਹੈ।
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਚਾਹਲ ਸੁਨਹਿਰੀ ਰੰਗ ਦੀ ਮਿਨੀਵੈਨ ਚਲਾ ਰਿਹਾ ਹੋ ਸਕਦਾ ਹੈ। ਗੱਡੀ ਦੀ ਨੰਬਰ ਪਲੇਟ ਬਾਰੇ ਫ਼ਿਲਹਾਲ ਜਾਣਕਾਰੀ ਨਹੀਂ ਹੈ। ਉਸ ਦੇ ਟਕੋਮਾ ਅਤੇ ਲੇਕਵੁੱਡ ਇਲਾਕਿਆਂ ਵਿੱਚ ਹੋਣ ਦੀ ਸੰਭਾਵਨਾ ਜਤਾਈ ਗਈ ਹੈ।
ਸ਼ੈਰਿਫ਼ ਦਫ਼ਤਰ ਨੇ ਅਪੀਲ ਕੀਤੀ ਹੈ ਕਿ ਜਿਸ ਕਿਸੇ ਕੋਲ ਚਾਹਲ ਦੇ ਟਿਕਾਣੇ, ਉਸ ਦੀ ਗੱਡੀ ਜਾਂ ਇਸ ਮਾਮਲੇ ਬਾਰੇ ਜਾਣਕਾਰੀ ਹੋਵੇ, ਉਹ ਗੁਪਤ ਸੂਚਨਾ ਦੇ ਕੇ ਜਾਂਚ ਵਿੱਚ ਸਹਿਯੋਗ ਕਰੇ।
ਲੋਕ ਆਪਣੀ ਪਛਾਣ ਗੁਪਤ ਰੱਖਦਿਆਂ P3 Tips ਐਪ, tpcrimestoppers.com ਜਾਂ 1-800-222-TIPS (8477) ਰਾਹੀਂ ਜਾਣਕਾਰੀ ਦੇ ਸਕਦੇ ਹਨ।
Manbir Singh Chahal Pierce County Sheriff Tacoma News Lakewood WA Kidnapping And Robbery Tacoma Pierce County Crime Stoppers Punjabi Pehchan Washington Punjabi News
