ਕਿਰਾਏ ਦੀ ਕੋਠੀ ‘ਚ ਚੱਲ ਰਿਹਾ ਗੰਦਾ ਧੰਦਾ ਬੇਨਕਾਬ, ਅਕਾਲੀ ਆਗੂ ਫਸਿਆ
ਕਿਰਾਏ ਦੀ ਕੋਠੀ ‘ਚ ਚੱਲ ਰਿਹਾ ਗੰਦਾ ਧੰਦਾ ਬੇਨਕਾਬ, ਅਕਾਲੀ ਆਗੂ ਫਸਿਆ
ਮੋਗਾ-ਅੰਮ੍ਰਿਤਸਰ ਰੋਡ ‘ਤੇ ਸਥਿਤ ਇੱਕ ਕਿਰਾਏ ਦੀ ਕੋਠੀ ਵਿੱਚ ਚੱਲ ਰਹੇ
ਗੈਰਕਾਨੂੰਨੀ ਦੇਹ ਵਪਾਰ ਦੇ ਧੰਦੇ ਦਾ ਪੁਲਿਸ ਵੱਲੋਂ ਵੱਡਾ ਪਰਦਾਫਾਸ ਕੀਤਾ ਗਿਆ ਹੈ। ਰਾਤ ਸਮੇਂ
ਕੀਤੀ ਗਈ ਇਸ ਛਾਪੇਮਾਰੀ ਦੌਰਾਨ ਪੁਲਿਸ ਨੇ 14 ਲੜਕੀਆਂ ਅਤੇ 7 ਲੜਕਿਆਂ
ਸਮੇਤ ਕੁੱਲ 21 ਲੋਕਾਂ ਨੂੰ ਕਾਬੂ ਕੀਤਾ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਕਾਬੂ ਕੀਤੀਆਂ ਲੜਕੀਆਂ
ਵਿੱਚੋਂ ਇੱਕ ਨਾਬਾਲਿਗ ਵੀ ਪਾਈ ਗਈ ਹੈ, ਜਿਸ ਨਾਲ ਮਾਮਲਾ ਹੋਰ ਗੰਭੀਰ ਬਣ ਗਿਆ ਹੈ। ਜਾਣਕਾਰੀ ਮੁਤਾਬਿਕ ਇਹ ਕੋਠੀ ਪਿਛਲੇ
ਤਿੰਨ ਮਹੀਨਿਆਂ ਤੋਂ “ਹੋਟਲ” ਦੇ ਨਾਂ ‘ਤੇ ਕਿਰਾਏ ‘ਤੇ ਲੈ ਕੇ ਇਸ ਗੈਰਕਾਨੂੰਨੀ ਧੰਦੇ ਲਈ ਵਰਤੀ
ਜਾ ਰਹੀ ਸੀ। ਪੁਲਿਸ ਨੂੰ ਲਗਾਤਾਰ ਮਿਲ ਰਹੀਆਂ ਸ਼ਿਕਾਇਤਾਂ ਦੇ ਆਧਾਰ ‘ਤੇ ਇਹ ਸਾਂਝੀ ਕਾਰਵਾਈ
ਕੀਤੀ ਗਈ। ਛਾਪੇ ਦੌਰਾਨ ਪੁਲਿਸ ਨੇ ਮੌਕੇ ਤੋਂ ਸ਼ੱਕੀ ਹਾਲਾਤਾਂ ਵਿੱਚ ਮੌਜੂਦ ਸਾਰੇ ਵਿਅਕਤੀਆਂ
ਨੂੰ ਕਾਬੂ ਕਰ ਲਿਆ। ਇਸ ਮਾਮਲੇ ਵਿੱਚ ਅਕਾਲੀ ਦਲ ਨਾਲ ਸੰਬੰਧਤ ਕੌਂਸਲਰ ਜਗਜੀਤ ਸਿੰਘ ਦਾ ਨਾਮ ਵੀ
ਸਾਹਮਣੇ ਆਇਆ ਹੈ, ਜਿਸ ਸਮੇਤ ਕੁੱਲ 7 ਲੋਕਾਂ ਖ਼ਿਲਾਫ਼ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ। ਪੁਲਿਸ ਅਧਿਕਾਰੀਆਂ ਦਾ
ਕਹਿਣਾ ਹੈ ਕਿ ਇਸ ਪੂਰੇ ਰੈਕੇਟ ਦੇ ਪਿੱਛੇ ਹੋਰ ਕਿੰਨੇ ਲੋਕ ਸ਼ਾਮਲ ਹਨ, ਇਸ ਦੀ ਵੀ
ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਨਾਬਾਲਿਗ ਲੜਕੀ ਨੂੰ ਸੁਰੱਖਿਆ ਹੇਠ ਲੈ ਕੇ ਬਾਲ ਕਲਿਆਣ ਵਿਭਾਗ ਦੇ
ਹਵਾਲੇ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਇਸਦੇ ਨਾਲ ਹੀ ਹੋਰ ਲੜਕੀਆਂ ਤੋਂ ਵੀ ਪੁੱਛਗਿੱਛ
ਕੀਤੀ ਜਾ ਰਹੀ ਹੈ ਤਾਂ ਜੋ ਇਸ ਧੰਦੇ ਦੇ ਪੂਰੇ ਜਾਲ ਨੂੰ ਬੇਨਕਾਬ ਕੀਤਾ ਜਾ ਸਕੇ।
ਪੁਲਿਸ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਗੈਰਕਾਨੂੰਨੀ ਧੰਦੇ ਨੂੰ ਕਿਸੇ ਵੀ ਹਾਲਤ ਵਿੱਚ
ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ ਅਤੇ ਜਿੰਨ੍ਹਾਂ ਵੀ ਲੋਕਾਂ ਦੀ ਸੰਲਿਪਤਤਾ ਸਾਹਮਣੇ ਆਏਗੀ, ਉਨ੍ਹਾਂ
ਖ਼ਿਲਾਫ਼ ਸਖ਼ਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
Racket busted councillor arrested
