ਵ੍ਰਿੰਦਾਵਨ ਬੋਟ ਹਾਦਸਾ: 7ਵੇਂ ਦਿਨ ਮੈਨੇਜਰ ਦੀ ਲਾਸ਼ ਬਰਾਮਦ, ਮੌਤਾਂ ਦੀ ਗਿਣਤੀ 16
ਵ੍ਰਿੰਦਾਵਨ ਬੋਟ ਹਾਦਸਾ: 7ਵੇਂ ਦਿਨ ਮੈਨੇਜਰ ਦੀ ਲਾਸ਼ ਬਰਾਮਦ, ਮੌਤਾਂ ਦੀ ਗਿਣਤੀ 16
ਵ੍ਰਿੰਦਾਵਨ ਬੋਟ ਹਾਦਸੇ ਤੋਂ ਸੱਤਵੇਂ ਦਿਨ ਇੱਕ ਹੋਰ ਦੁਖਦਾਈ ਖ਼ਬਰ ਸਾਹਮਣੇ ਆਈ
ਹੈ। ਲਾਪਤਾ ਮੈਨੇਜਰ ਪੰਕਜ ਮਲਹੋਤਰਾ ਦੀ ਲਾਸ਼ ਅੱਜ ਬਰਾਮਦ ਹੋ ਗਈ ਹੈ। ਇਹ ਲਾਸ਼ ਹਾਦਸੇ ਵਾਲੀ
ਥਾਂ ਤੋਂ ਲਗਭਗ ਢਾਈ ਕਿਲੋਮੀਟਰ ਦੂਰ ਦੇਵਰਾਹਾ ਘਾਟ ਨੇੜੇ, ਪਾਨੀਗਾਓਂ
ਪੁਲ ਹੇਠਾਂ ਤੈਰਦੀ ਮਿਲੀ। ਲਾਸ਼ ਸੁੱਜ ਕੇ ਪਾਣੀ ਦੀ ਸਤ੍ਹਾ ‘ਤੇ ਆ ਗਈ ਸੀ, ਜਿਸਨੂੰ
ਗੋਤਾਖੋਰਾਂ ਅਤੇ ਸੁਰੱਖਿਆ ਦਸਤਿਆਂ ਨੇ ਬਾਹਰ ਕੱਢਿਆ।
ਇਸ ਨਾਲ ਹੀ ਹਾਦਸੇ ਵਿੱਚ ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ 16 ਹੋ ਗਈ
ਹੈ। ਘਟਨਾ ਤੋਂ ਬਾਅਦ ਲਗਾਤਾਰ ਸੱਤ ਦਿਨ ਤੱਕ ਵੱਡੇ ਪੱਧਰ ‘ਤੇ ਰਾਹਤ ਅਤੇ ਬਚਾਅ ਕਾਰਜ ਚਲਾਇਆ
ਗਿਆ। ਫੌਜ, ਐਨਡੀਆਰਐਫ, ਐਸਡੀਆਰਐਫ, ਪੀਏਸੀ ਅਤੇ ਸਥਾਨਕ ਗੋਤਾਖੋਰਾਂ ਦੀਆਂ ਟੀਮਾਂ ਨੇ ਮਿਲ ਕੇ ਕਰੀਬ 30 ਕਿਲੋਮੀਟਰ
ਦੇ ਇਲਾਕੇ ਵਿੱਚ ਲਾਪਤਾ ਲੋਕਾਂ ਦੀ ਭਾਲ ਕੀਤੀ।
ਹਾਦਸਾ 10 ਅਪ੍ਰੈਲ ਨੂੰ ਦੁਪਹਿਰ ਕਰੀਬ 3 ਵਜੇ ਵਾਪਰਿਆ ਸੀ। ਇਸ ਦੌਰਾਨ ਕਿਸ਼ਤੀ ਵਿੱਚ ਸਵਾਰ 38
ਲੋਕਾਂ ਵਿੱਚੋਂ 22 ਨੂੰ ਤੁਰੰਤ ਬਚਾ ਲਿਆ ਗਿਆ ਸੀ, ਜਦਕਿ ਪਹਿਲੇ ਦਿਨ 10 ਲਾਸ਼ਾਂ
ਬਰਾਮਦ ਹੋਈਆਂ ਸਨ। ਬਾਕੀਆਂ ਦੀ ਭਾਲ ਲਈ ਬਚਾਅ ਟੀਮਾਂ ਵੱਲੋਂ ਲਗਾਤਾਰ ਮੁਹਿੰਮ ਜਾਰੀ ਰੱਖੀ ਗਈ।
Managers body found
