Big Breaking : ਬੰਗਲਾਦੇਸ਼ ਦੀ ਸਾਬਕਾ PM Sheikh Hasina ਨੂੰ ਮਿਲੀ ‘ਫ਼ਾਂਸੀ ਦੀ ਸਜ਼ਾ’
Punjabi Pehchan / Bangladesh
Big Breaking : ਬੰਗਲਾਦੇਸ਼ ਦੀ ਸਾਬਕਾ PM Sheikh Hasina ਨੂੰ ਮਿਲੀ ‘ਫ਼ਾਂਸੀ ਦੀ ਸਜ਼ਾ’
ਨਵੀਂ ਦਿੱਲੀ/ਢਾਕਾ, 17 ਨਵੰਬਰ, 2025 : ਬੰਗਲਾਦੇਸ਼ ਦੀ ਸਾਬਕਾ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਨੂੰ ਅੱਜ ਅੰਤਰਰਾਸ਼ਟਰੀ ਅਪਰਾਧ ਟ੍ਰਿਬਿਊਨਲ (ICT) ਨੇ “ਮਾਨਵਤਾ ਖ਼ਿਲਾਫ਼ ਅਪਰਾਧਾਂ” ਦੇ ਮਾਮਲੇ ‘ਚ ਫਾਂਸੀ ਦੀ ਸਜ਼ਾ ਸੁਣਾਈ ਹੈ। ਤਿੰਨ ਜੱਜਾਂ ਦੀ ਬੈਂਚ ਨੇ ਜੁਲਾਈ-ਅਗਸਤ 2024 ਦੇ ਵਿਦਿਆਰਥੀ ਅੰਦੋਲਨ ਦੌਰਾਨ ਅੱਤਿਆਚਾਰ ਕਰਨ ਦੇ ਪੱਕੇ ਸਬੂਤਾਂ ਦੇ ਆਧਾਰ ‘ਤੇ ਹਸੀਨਾ ਅਤੇ ਦੋ ਹੋਰ ਅਧਿਕਾਰੀਆਂ ਨੂੰ ਦੋਸ਼ੀ ਕਰਾਰ ਦਿੱਤਾ।
ਭਾਰਤ ‘ਚ ਮੌਜੂਦ ਹੈ Sheikh Hasina, ‘ਭਗੌੜੀ’ ਐਲਾਨੀ ਗਈ
78 ਸਾਲਾ ਸ਼ੇਖ ਹਸੀਨਾ ਅਗਸਤ 2024 ‘ਚ ਸਰਕਾਰ ਡਿੱਗਣ ਤੋਂ ਬਾਅਦ ਭਾਰਤ ਆ ਗਈ ਸੀ। ਇਸ ਮਾਮਲੇ ਦੀ ਪੂਰੀ ਕਾਰਵਾਈ ਉਨ੍ਹਾਂ ਦੀ ਗੈਰ-ਹਾਜ਼ਰੀ ‘ਚ ਚੱਲੀ। ਟ੍ਰਿਬਿਊਨਲ ਨੇ ਉਨ੍ਹਾਂ ਨੂੰ ਪਹਿਲਾਂ ਹੀ “ਫ਼ਰਾਰ” ਘੋਸ਼ਿਤ ਕੀਤਾ ਹੋਇਆ ਹੈ।
ਦੋ ਹੋਰ ਵੱਡੇ ਚਿਹਰੇ ਵੀ ਦੋਸ਼ੀ
ਅਦਾਲਤ ਨੇ ਹਸੀਨਾ ਦੇ ਨਾਲ ਇਹ ਦੋ ਵੱਡੇ ਨਾਮ ਵੀ ਦੋਸ਼ੀ ਕਹੇ ਹਨ:
- ਸਾਬਕਾ ਗ੍ਰਹਿ ਮੰਤਰੀ ਅਸਦੁਜ਼ਜ਼ਮਾਨ ਖ਼ਾਨ ਕਮਾਲ
- ਸਾਬਕਾ ਪੁਲਿਸ ਇੰਸਪੈਕਟਰ ਜਨਰਲ ਚੌਧਰੀ ਅਬਦੁੱਲਾਹ ਅਲ-ਮਾਮੂਨ
ਕਮਾਲ ਵੀ ਭਾਰਤ ‘ਚ ਹੀ ਮੰਨੇ ਜਾ ਰਹੇ ਹਨ, ਜਦਕਿ ਮਾਮੂਨ ਉਹ ਇਕਲੌਤੇ ਦੋਸ਼ੀ ਹਨ ਜੋ ਇਸ ਵੇਲੇ ਹਿਰਾਸਤ ‘ਚ ਹਨ ਅਤੇ ਉਹ “ਸਰਕਾਰੀ ਗਵਾਹ” ਵੀ ਬਣ ਚੁੱਕੇ ਹਨ।
“ਪ੍ਰਦਰਸ਼ਨਕਾਰੀਆਂ ਨੂੰ ਕਠੋਰ ਕਾਰਵਾਈ ਦਾ ਹੁਕਮ” – ਟ੍ਰਿਬਿਊਨਲ
ਫੈਸਲਾ ਸੁਣਾਉਂਦਿਆਂ ਬੈਂਚ ਦੇ ਮੁਖੀ ਜਸਟਿਸ ਗੁਲਾਮ ਮੁਰਤਜ਼ਾ ਨੇ ਕਿਹਾ ਕਿ ਸ਼ੇਖ ਹਸੀਨਾ ਨੇ ਵਿਦਿਆਰਥੀ ਅੰਦੋਲਨ ਦੌਰਾਨ “ਪ੍ਰਦਰਸ਼ਨਕਾਰੀਆਂ ‘ਤੇ ਹਮਲਾ ਕਰਨ, ਉਨ੍ਹਾਂ ਨੂੰ ਮਾਰਨ ਅਤੇ ਕਾਰਵਾਈ ਰੋਕਣ ਵਿੱਚ ਅਸਫਲ ਰਹਿਣ” ਦੇ ਘੋਰ ਦੋਸ਼ਾਂ ਦਾ ਸਾਹਮਣਾ ਕੀਤਾ ਹੈ।
ਫੈਸਲਾ ਸੁਣਾਉਂਦਿਆਂ ਬੈਂਚ ਦੇ ਮੁਖੀ ਜਸਟਿਸ ਗੁਲਾਮ ਮੁਰਤਜ਼ਾ ਨੇ ਕਿਹਾ ਕਿ ਸ਼ੇਖ ਹਸੀਨਾ ਨੇ ਵਿਦਿਆਰਥੀ ਅੰਦੋਲਨ ਦੌਰਾਨ “ਪ੍ਰਦਰਸ਼ਨਕਾਰੀਆਂ ‘ਤੇ ਹਮਲਾ ਕਰਨ, ਉਨ੍ਹਾਂ ਨੂੰ ਮਾਰਨ ਅਤੇ ਕਾਰਵਾਈ ਰੋਕਣ ਵਿੱਚ ਅਸਫਲ ਰਹਿਣ” ਦੇ ਘੋਰ ਦੋਸ਼ਾਂ ਦਾ ਸਾਹਮਣਾ ਕੀਤਾ ਹੈ।
5 ਗੰਭੀਰ ਦੋਸ਼ ਜਿਨ੍ਹਾਂ ‘ਚ ਹਸੀਨਾ ਦੋਸ਼ੀ
ਅਦਾਲਤ ਦੇ ਮੁਤਾਬਕ, 8,747 ਪੰਨਿਆਂ ਦੀ ਚਾਰਜਸ਼ੀਟ ਦੇ ਆਧਾਰ ‘ਤੇ ਹਸੀਨਾ ਨੂੰ ਇਹਨਾਂ ਦੋਸ਼ਾਂ ‘ਚ ਦੋਸ਼ੀ ਪਾਇਆ ਗਿਆ:
- 14 ਜੁਲਾਈ 2024 ਨੂੰ ਪ੍ਰਦਰਸ਼ਨਕਾਰੀਆਂ ‘ਤੇ ਸੁਚਾਰੀਤੀ ਹਮਲੇ ਕਰਵਾਉਣਾ।
- ਡਰੋਨ ਅਤੇ ਹੈਲੀਕਾਪਟਰਾਂ ਰਾਹੀਂ ਹਮਲੇ ਦਾ ਹੁਕਮ ਦੇਣਾ।
- ਵਿਦਿਆਰਥੀ ਅਬੂ ਸਈਦ ਦੇ ਕਤਲ ਲਈ ਜ਼ਿੰਮੇਵਾਰ ਹੋਣਾ।
- ਅਸ਼ੁਲੀਆ ‘ਚ ਗੋਲੀਬਾਰੀ ਤੋਂ ਬਾਅਦ ਸਬੂਤ ਮਿਟਾਉਣ ਲਈ ਲਾਸ਼ਾਂ ਸਾੜਨਾ।
- ਚੰਖਾਰਪੁਲ ਇਲਾਕੇ ‘ਚ ਪ੍ਰਦਰਸ਼ਨਕਾਰੀਆਂ ਦੀ ਹੱਤਿਆ।
(ਪ੍ਰੋਸਿਕਿਊਸ਼ਨ ਦਾ ਦਾਅਵਾ ਹੈ ਕਿ ਇਨ੍ਹਾਂ ਹਮਲਿਆਂ ‘ਚ ਲਗਭਗ 1,400 ਲੋਕ ਮਾਰੇ ਗਏ ਸਨ।)
ਬੰਗਲਾਦੇਸ਼ ‘ਚ ਹਿੰਸਾ, ਬੰਦ ਤੇ ਤਣਾਅ
ਫੈਸਲੇ ਤੋਂ ਪਹਿਲਾਂ ਹੀ Awami League ਨੇ ਦੋ ਦਿਨਾਂ ਦੇ ਬੰਦ ਦਾ ਐਲਾਨ ਕੀਤਾ ਸੀ। ਹੁਣ ਫੈਸਲੇ ਤੋਂ ਬਾਅਦ ਢਾਕਾ ਅਤੇ ਹੋਰ ਇਲਾਕਿਆਂ ‘ਚ ਛੋਟੇ ਧਮਾਕਿਆਂ, ਟਾਇਰ ਸਾੜਨ ਅਤੇ ਹਿੰਸਕ ਘਟਨਾਵਾਂ ਦੀਆਂ ਖ਼ਬਰਾਂ ਆ ਰਹੀਆਂ ਹਨ। ਸੁਰੱਖਿਆ ਬਲਾਂ ਨੂੰ ਤੈਨਾਤ ਕਰ ਦਿੱਤਾ ਗਿਆ ਹੈ ਅਤੇ ਕੋਰਟ ਇਲਾਕੇ ਦੇ ਆਲੇ-ਦੁਆਲੇ ਸਖ਼ਤ ਪਹਿਰਾ ਹੈ।
Powered by
Big breaking former bangladesh pm sheikh hasina gets death sentence
