ਟੋਰਾਂਟੋ ਵਿੱਚ ਨੌਜਵਾਨਾਂ ਲਈ 15 ਹਜ਼ਾਰ ਨੌਕਰੀਆਂ ਦਾ ਵਾਅਦਾ
Punjabi Pehchan / Otawa
2030 ਵਿੱਚ ਮੁੜ ਖੁੱਲ੍ਹੇਗਾ ਪੁਲਿਸ ਸਟੇਸ਼ਨ!
ਇਸ ਪ੍ਰੋਜੈਕਟ ਲਈ 2025 ਦੇ ਬਜਟ ਵਿੱਚ 12 ਕਰੋੜ 2 ਲੱਖ ਡਾਲਰ ਰੱਖੇ ਗਏ
ਮੇਅਰ ਦੀ ਚੋਣ ਤੋਂ 10 ਦਿਨ ਪਹਿਲਾਂ ਉਮੀਦਵਾਰ ਬ੍ਰੈਡ ਬ੍ਰੈਡਫੋਰਡ ਨੇ ਨੌਜਵਾਨਾਂ ਲਈ 15 ਹਜ਼ਾਰ ਪੱਕੀਆਂ, ਪੂਰੇ ਸਮੇਂ ਦੀਆਂ ਨੌਕਰੀਆਂ ਪੈਦਾ ਕਰਨ ਦਾ ਵਾਅਦਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਉਹ ਚੁਣੇ ਜਾਂਦੇ ਹਨ ਤਾਂ ਪਹਿਲੇ ਸਾਲ ਵਿੱਚ ਹੀ 5 ਹਜ਼ਾਰ ਨੌਕਰੀਆਂ ਪੈਦਾ ਕਰਨ ਦਾ ਟੀਚਾ ਰੱਖਿਆ ਜਾਵੇਗਾ।
ਇਸ ਯੋਜਨਾ ਤਹਿਤ ਘੱਟੋ-ਘੱਟ 30 ਫੀਸਦੀ ਨੌਕਰੀਆਂ ਉਨ੍ਹਾਂ ਨੌਜਵਾਨਾਂ ਲਈ ਰਾਖਵੀਆਂ ਹੋਣਗੀਆਂ, ਜਿਨ੍ਹਾਂ ਨੂੰ ਰੁਜ਼ਗਾਰ ਹਾਸਲ ਕਰਨ ਵਿੱਚ ਵਧੇਰੇ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਦੂਜੇ ਪਾਸੇ, ਮੇਅਰ ਓਲੀਵੀਆ ਚਾਓ ਨੇ ਈਸਟ ਯੌਰਕ ਵਿੱਚ ਪੁਲਿਸ ਦੀ 54 ਡਿਵੀਜ਼ਨ ਨੂੰ ਮੁੜ ਖੋਲ੍ਹਣ ਦਾ ਐਲਾਨ ਕੀਤਾ ਹੈ। ਇਹ ਪੁਲਿਸ ਸਟੇਸ਼ਨ 2018 ਵਿੱਚ ਬੰਦ ਕਰ ਦਿੱਤਾ ਗਿਆ ਸੀ ਅਤੇ ਹੁਣ ਇਸ ਨੂੰ 2030 ਵਿੱਚ ਮੁੜ ਚਾਲੂ ਕਰਨ ਦੀ ਯੋਜਨਾ ਹੈ। ਇਸ ਪ੍ਰੋਜੈਕਟ ਲਈ 2025 ਦੇ ਬਜਟ ਵਿੱਚ 12 ਕਰੋੜ 2 ਲੱਖ ਡਾਲਰ ਰੱਖੇ ਗਏ ਸਨ। ਚਾਓ ਨੇ ਕਿਹਾ ਕਿ ਨਵੇਂ, ਆਧੁਨਿਕ ਪੁਲਿਸ ਸਟੇਸ਼ਨ ਨਾਲ ਇਲਾਕੇ ਦੇ ਲੋਕਾਂ ਨੂੰ ਪੁਲਿਸ ਸੇਵਾਵਾਂ ਵਧੇਰੇ ਨੇੜੇ ਮਿਲ ਸਕਣਗੀਆਂ। ਪੁਲਿਸ ਮੁਲਾਜ਼ਮਾਂ ਦੀ ਜਥੇਬੰਦੀ ਨੇ ਵੀ ਇਸ ਯੋਜਨਾ ਦਾ ਸਵਾਗਤ ਕੀਤਾ ਹੈ।
Promise Of 15 000 Jobs For Young People In Toronto
