February 1, 2026
Punjabi Pehchan / New Delhi
Budget 2026: ਜਾਣੋ ਕੀ ਹੋਇਆ ਸਸਤਾ ਤੇ ਮਹਿੰਗਾ
ਨਵੀਂ ਦਿੱਲੀ, 1 ਫਰਵਰੀ 2026: ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਵੱਲੋਂ ਅੱਜ ਪੇਸ਼ ਕੀਤੇ ਗਏ ਬਜਟ 2026-27 ਵਿੱਚ ਕਈ ਵਸਤੂਆਂ 'ਤੇ ਟੈਕਸ ਘਟਾ ਕੇ ਆਮ ਜਨਤਾ ਨੂੰ ਰਾਹਤ ਦਿੱਤੀ ਗਈ ਹੈ, ਜਦਕਿ ਕੁਝ ਚੀਜ਼ਾਂ 'ਤੇ ਡਿਊਟੀ ਵਧਣ ਨਾਲ ਉਹ ਮਹਿੰਗੀਆਂ ਹੋ ਗਈਆਂ ਹਨ। ਹੇਠਾਂ ਦਿੱਤੀ ਸੂਚੀ ਤੋਂ ਜਾਣੋ ਤੁਹਾਡੀ ਜੇਬ 'ਤੇ ਕੀ ਅਸਰ ਪਵੇਗਾ:
ਬਜਟ ਤੋਂ ਬਾਅਦ ਇਹ ਚੀਜ਼ਾਂ ਹੋਣਗੀਆਂ ਸਸਤੀਆਂ
ਦਵਾਈਆਂ: ਕੈਂਸਰ ਅਤੇ ਸ਼ੂਗਰ (Diabetes) ਵਰਗੀਆਂ ਗੰਭੀਰ ਬਿਮਾਰੀਆਂ ਦੇ ਇਲਾਜ ਲਈ ਵਰਤੀਆਂ ਜਾਣ ਵਾਲੀਆਂ ਦਵਾਈਆਂ ਸਸਤੀਆਂ ਹੋਣਗੀਆਂ। ਖਾਸ ਕਰਕੇ ਕੈਂਸਰ ਦੀਆਂ 17 ਦਵਾਈਆਂ 'ਤੇ ਡਿਊਟੀ ਘਟਾਈ ਗਈ ਹੈ।
ਵਿਦੇਸ਼ੀ ਪੜ੍ਹਾਈ ਤੇ ਯਾਤਰਾ: ਵਿਦੇਸ਼ ਵਿੱਚ ਪੜ੍ਹਾਈ ਕਰਨ ਜਾਣ ਵਾਲੇ ਵਿਦਿਆਰਥੀਆਂ ਅਤੇ ਸੈਲਾਨੀਆਂ ਲਈ ਵਿਦੇਸ਼ੀ ਯਾਤਰਾ ਹੁਣ ਪਹਿਲਾਂ ਨਾਲੋਂ ਸਸਤੀ ਪਵੇਗੀ।
ਇਲੈਕਟ੍ਰਾਨਿਕਸ: ਮਾਈਕ੍ਰੋਵੇਵ ਓਵਨ ਤਿਆਰ ਕਰਨ ਵਾਲੇ ਪੁਰਜ਼ਿਆਂ ਦੀ ਦਰਾਮਦ 'ਤੇ ਛੋਟ ਦਿੱਤੀ ਗਈ ਹੈ। ਨਾਲ ਹੀ, ਬੈਟਰੀਆਂ ਅਤੇ ਜੁੱਤੀਆਂ ਦੀਆਂ ਕੀਮਤਾਂ ਵਿੱਚ ਵੀ ਕਮੀ ਆਵੇਗੀ।
ਆਯਾਤ ਸਮਾਨ: ਨਿੱਜੀ ਵਰਤੋਂ ਲਈ ਬਾਹਰੋਂ ਮੰਗਵਾਏ ਜਾਣ ਵਾਲੇ ਸਾਮਾਨ 'ਤੇ ਟੈਰਿਫ (Tariff) 20% ਤੋਂ ਘਟਾ ਕੇ 10% ਕਰ ਦਿੱਤਾ ਗਿਆ ਹੈ।
ਊਰਜਾ ਅਤੇ ਟੈਕਸਟਾਈਲ: ਬਾਇਓ ਗੈਸ ਮਿਸ਼ਰਤ ਸੀਐਨਜੀ (CNG) ਸਸਤੀ ਹੋਵੇਗੀ। ਚਮੜਾ ਅਤੇ ਕੱਪੜਾ ਨਿਰਯਾਤ (Export) ਕਰਨਾ ਹੁਣ ਵਧੇਰੇ ਕਿਫਾਇਤੀ ਹੋ ਜਾਵੇਗਾ।
ਹੋਰ: ਬੀੜੀ ਦੀਆਂ ਕੀਮਤਾਂ ਵਿੱਚ ਵੀ ਕਮੀ ਦੇਖਣ ਨੂੰ ਮਿਲੇਗੀ।
ਬਜਟ ਤੋਂ ਬਾਅਦ ਇਹ ਚੀਜ਼ਾਂ ਹੋਣਗੀਆਂ ਮਹਿੰਗੀਆਂ
ਸ਼ਰਾਬ: ਸਰਕਾਰ ਨੇ ਸ਼ਰਾਬ 'ਤੇ ਟੈਕਸ ਵਧਾ ਦਿੱਤਾ ਹੈ, ਜਿਸ ਕਾਰਨ ਇਹ ਮਹਿੰਗੀ ਹੋ ਜਾਵੇਗੀ।
ਖਣਿਜ ਅਤੇ ਸਕਰੈਪ: ਸਕਰੈਪ (Scrap) ਅਤੇ ਕੁਝ ਖਣਿਜ ਪਦਾਰਥਾਂ 'ਤੇ ਡਿਊਟੀ ਵਧਣ ਨਾਲ ਇਨ੍ਹਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਵੇਗਾ।
Powered by Froala Editor
Budget 2026 Know What Has Become Cheaper And More Expensive
