US ਨੇ ਫ਼ਲੋਰਿਡਾ ਨੂੰ ਦਿੱਤੀ Canada ਤੋਂ ਦਵਾਈਆਂ ਆਯਾਤ ਕਰਨ ਦੀ ਇਜਾਜ਼ਤ
Punjabi Pehchan / Chandigarh
ਵਿਦੇਸ਼ ਡੈਸਕ : ਅਮਰੀਕਾ ਦੀ ਫ਼ੂਡ ਐਂਡ ਡਰੱਗ ਐਡਮਿਨਿਸਟ੍ਰੇਸ਼ਨ (ਢਧਅ) ਵੱਲੋਂ ਫ਼ਲੋਰਿਡਾ ਨੂੰ ਕੈਨੇਡਾ ਤੋਂ ਕਈ ਮਿਲੀਅਨ ਡਾਲਰ ਦੀਆਂ ਦਵਾਈਆਂ ਆਯਾਤ ਕਰਨ ਦੀ ਇਜਾਜ਼ਤ ਦਿੱਤੀ ਜਾ ਰਹੀ ਹੈ ਤੇ ਇਸ ਕਦਮ ਨੇ ਕੈਨੇਡਾ ਵਿਚ ਦਵਾਈਆਂ ਦੀ ਸਪਲਾਈ ਦੀਆਂ ਚਿੰਤਾਵਾਂ ਨੂੰ ਦੁਬਾਰਾ ਜਗਾ ਦਿੱਤਾ ਹੈ। ਫ਼ਲੋਰਿਡਾ ਦਾ ਅਨੁਮਾਨ ਹੈ ਕਿ ਐੱਚਆਈਵੀ/ਏਡਜ਼, ਡਾਇਬਟੀਜ਼ ਤੇ ਹੈਪੀਟਾਈਟਸ ਸੀ ਵਰਗੀਆਂ ਬਿਮਾਈਆਂ ਦੇ ਇਲਾਜ ਲਈ ਕੈਨੇਡਾ ਤੋਂ ਪ੍ਰਿਸਕ੍ਰਿਪਸ਼ਨ ਦਵਾਈਆਂ (ਡਾਕਟਰ ਵੱਲੋਂ ਲਿਖੀਆਂ ਗਈਆਂ ਨੁਸਖ਼ੇ ਵਾਲੀਆਂ ਦਵਾਈਆਂ) ਮੰਗਵਾਉਣ ਨਾਲ ਅਮਰੀਕਾ ਨੂੰ ਹਰ ਸਾਲ ਕਰੀਬ 150 ਮਿਲੀਅਨ ਡਾਲਰ ਦੀ ਬੱਚਤ ਹੋਵੇਗੀ।
ਢਧਅ ਨੇ ਫ਼ਲੋਰਿਡਾ ਦੀ ਬੇਨਤੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਸ਼ੁੱਕਰਵਾਰ ਨੂੰ ਸੂਬਾ ਸਰਕਾਰ ਨੂੰ ਲਿਖੇ ਇੱਕ ਪੱਤਰ ਵਿੱਚ, ਢਧਅ ਦੇ ਨਿਰਦੇਸ਼ਕ ਨੇ ਪ੍ਰਸਤਾਵ ‘ਤੇ ਦਸਤਖ਼ਤ ਕੀਤੇ ਅਤੇ ਕਿਹਾ ਕਿ ਕੈਨੇਡਾ ਤੋਂ ਦਵਾਈਆਂ ਦਾ ਆਯਾਤ ਕਰਨ ਨਾਲ ਲੋਕਾਂ ਦੀ ਸਿਹਤ ਅਤੇ ਸੁਰੱਖਿਆ ਲਈ ਵਾਧੂ ਖ਼ਤਰਾ ਪੈਦਾ ਕੀਤੇ ਬਿਨਾਂ ਅਮਰੀਕੀ ਖਪਤਕਾਰਾਂ ਲਈ ਕਵਰ ਕੀਤੇ ਉਤਪਾਦਾਂ ਦੀ ਕੀਮਤ ਵਿੱਚ ਮਹੱਤਵਪੂਰਨ ਕਮੀ ਹੋ ਸਕਦੀ ਹੈ।ਫ਼ਲੋਰਿਡਾ ਦੀ ਤਰ੍ਹਾਂ ਕੁਝ ਹੋਰ ਸੂਬਿਆਂ ਨੇ ਵੀ ਅਜਿਹੀ ਆਗਿਆ ਲਈ ਬੇਨਤੀ ਕੀਤੀ ਹੋਈ ਹੈ, ਯਾਨੀ ਸ਼ੱਕਰਵਾਰ ਨੂੰ ਫ਼ਲੋਰਿਡਾ ਨੂੰ ਮਿਲੀ ਆਗਿਆ ਤੋਂ ਬਾਅਦ ਹੋਰਾਂ ਲਈ ਵੀ ਰਾਹ ਪੱਧਰਾ ਹੋ ਸਕਦਾ ਹੈ।
US allows Florida to import drugs from Canada
