ਚੰਡੀਗੜ੍ਹ ਪੁਲਿਸ ਦਾ ਨਸ਼ਾ ਤਸਕਰਾਂ 'ਤੇ ਵੱਡਾ ਐਕਸ਼ਨ: ਸਾਲ 'ਚ 245 ਗ੍ਰਿਫਤਾਰੀਆਂ, ਕਰੋੜਾਂ ਦੀ ਜਾਇਦਾਦ ਜ਼ਬਤ

ਚੰਡੀਗੜ੍ਹ, 18 ਫਰਵਰੀ 2026ਚੰਡੀਗੜ੍ਹ ਦੀ ਐਂਟੀ ਨਾਰਕੋਟਿਕਸ ਟਾਸਕ ਫੋਰਸ (ANTF) ਅਤੇ ਕ੍ਰਾਈਮ ਬ੍ਰਾਂਚ ਨੇ ਨਸ਼ਾ ਤਸਕਰੀ ਵਿਰੁੱਧ ਵਿੱਢੀ ਮੁਹਿੰਮ ਵਿੱਚ ਵੱਡੀ ਸਫਲਤਾ ਹਾਸਲ ਕੀਤੀ ਹੈ। ਸਾਲ 2025 ਦੌਰਾਨ ਪੁਲਿਸ ਨੇ 150 ਕੇਸ ਦਰਜ ਕਰਕੇ 245 ਤਸਕਰਾਂ ਨੂੰ ਗ੍ਰਿਫਤਾਰ ਕੀਤਾ ਹੈ।

ਨਸ਼ੇ ਦੀ ਕਮਾਈ 'ਤੇ ਪੁਲਿਸ ਦੀ ਸੱਟ

ਪੁਲਿਸ ਨੇ ਤਸਕਰਾਂ ਦੀ ਆਰਥਿਕ ਸਪਲਾਈ ਲਾਈਨ ਕੱਟਣ ਲਈ ਵੱਡੀ ਕਾਰਵਾਈ ਕੀਤੀ ਹੈ. ਤਸਕਰਾਂ ਦੀ ਤਕਰੀਬਨ 8.79 ਕਰੋੜ ਰੁਪਏ ਦੀ ਜਾਇਦਾਦ ਅਤੇ 36 ਬੈਂਕ ਖਾਤਿਆਂ ਵਿੱਚ ਪਏ 51 ਲੱਖ ਰੁਪਏ ਫਰੀਜ਼ ਕੀਤੇ ਗਏ ਹਨ।

ਇਸ ਸਾਲ ਪੁਲਿਸ ਨੇ 5.8 ਕਿਲੋ ਹੈਰੋਇਨ ਅਤੇ 2.1 ਕਿਲੋ ਕੋਕੀਨ ਬਰਾਮਦ ਕੀਤੀ ਹੈ। ਹੈਰਾਨੀ ਦੀ ਗੱਲ ਹੈ ਕਿ ਕੋਕੀਨ ਦੀ ਬਰਾਮਦਗੀ ਪਿਛਲੇ ਸਾਲ ਦੇ ਮੁਕਾਬਲੇ ਕਈ ਗੁਣਾ ਵਧ ਗਈ ਹੈ।

ਡਰੋਨ ਅਤੇ ਪਾਕਿਸਤਾਨੀ ਲਿੰਕ

ਤਫਤੀਸ਼ ਦੌਰਾਨ ਸਾਹਮਣੇ ਆਇਆ ਹੈ ਕਿ ਹੈਰੋਇਨ ਦੀ ਸਪਲਾਈ ਅੰਮ੍ਰਿਤਸਰ, ਤਰਨਤਾਰਨ ਅਤੇ ਫਿਰੋਜ਼ਪੁਰ ਦੇ ਸਰਹੱਦੀ ਇਲਾਕਿਆਂ ਤੋਂ ਡਰੋਨ ਰਾਹੀਂ ਕੀਤੀ ਜਾ ਰਹੀ ਸੀ। ਪਾਕਿਸਤਾਨੀ ਹੈਂਡਲਰ ਬਦਹਾ ਭਾਈ ਉਰਫ ਲਾਲਾ ਅਤੇ ਰਿਆਜ਼ ਗਿੱਲ ਦੇ ਨਾਂ ਮੁੱਖ ਸਪਲਾਇਰ ਵਜੋਂ ਸਾਹਮਣੇ ਆਏ ਹਨ।

ਸ਼ਹਿਰ ਦੇ ਨਸ਼ਾ ਪ੍ਰਭਾਵਿਤ ਇਲਾਕੇ

ਪੁਲਿਸ ਨੇ ਸੈਕਟਰ-25, ਮਲੋਆ, ਪਲਸੋਰਾ, ਰਾਮ ਦਰਬਾਰ ਅਤੇ ਨਿਊ ਇੰਦਰਾ ਕਲੋਨੀ ਵਰਗੇ ਇਲਾਕਿਆਂ ਨੂੰ 'ਹੌਟਸਪੌਟ' ਵਜੋਂ ਮਾਰਕ ਕੀਤਾ ਹੈ। ਐਨਡੀਪੀਐਸ ਕੇਸਾਂ ਵਿੱਚ ਮੁਲਜ਼ਮਾਂ ਨੂੰ ਸਜ਼ਾ ਦਿਵਾਉਣ ਦੀ ਦਰ 85.85 ਫੀਸਦੀ ਰਹੀ ਹੈ, ਜੋ ਪੁਲਿਸ ਦੀ ਮਜ਼ਬੂਤ ਪੈਰਵੀ ਨੂੰ ਦਰਸਾਉਂਦੀ ਹੈ।

Powered by Froala Editor

Chandigarh Police Takes Major Action Against Drug Smugglers 245 Arrests In A Year Property Worth Crores Seized