ਸਾਊਦੀ ਅਰਬ ਬੱਸ ਹਾਦਸਾ : PM ਮੋਦੀ ਨੇ ਜਤਾਇਆ ਦੁੱਖ, ਜਖਮੀਆਂ ਲਈ ਕੀਤੀ ਦੁਆ — ਪੜ੍ਹੋ ਪੂਰਾ ਬਿਆਨ

ਨਵੀਂ ਦਿੱਲੀ, 17 ਨਵੰਬਰ, 2025 : ਸਾਊਦੀ ਅਰਬ ਦੇ ਮਦੀਨਾ ਨੇੜੇ ਹੋਏ ਭਿਆਨਕ ਬੱਸ ਹਾਦਸੇ ਨੇ ਭਾਰਤ ਵਿੱਚ ਚਿੰਤਾ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ। ਇਸ ਦੁਰਘਟਨਾ 'ਚ 42 ਭਾਰਤੀ ਨਾਗਰਿਕਾਂ ਦੀ ਮੌਤ ਹੋਣ ਦੀ ਪੁਸ਼ਟੀ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸੋਮਵਾਰ ਸਵੇਰੇ ਆਪਣਾ ਦੁੱਖ ਪ੍ਰਗਟ ਕੀਤਾ। ਇਹ ਤੀਰਥ ਯਾਤਰੀ ਉਮਰਾ ਅਦਾ ਕਰਕੇ ਮੱਕਾ ਤੋਂ ਮਦੀਨਾ ਜਾ ਰਹੇ ਸਨ, ਜਦੋਂ ਬੱਸ 'ਚ ਅੱਗ ਲੱਗ ਗਈ ਸੀ।

“ਪਰਿਵਾਰਾਂ ਦਾ ਦਰਦ ਅਸੀਮ ਹੈ”— PM ਮੋਦੀ

PM ਮੋਦੀ ਨੇ 'X' (ਐਕਸ) 'ਤੇ ਲਿਖਿਆ,
"ਮਦੀਨਾ ਨੇੜੇ ਹੋਏ ਇਸ ਦਰਦਨਾਕ ਹਾਦਸੇ ਨੇ ਮਨ ਨੂੰ ਝਕਝੋਰ ਦਿੱਤਾ ਹੈ। ਜਿਨ੍ਹਾਂ ਪਰਿਵਾਰਾਂ ਨੇ ਆਪਣਿਆਂ ਨੂੰ ਗੁਆਇਆ, ਉਨ੍ਹਾਂ ਨਾਲ ਮੇਰੀ ਹਮਦਰਦੀ ਹੈ। ਮੈਂ ਜਖਮੀਆਂ ਦੀ ਜਲਦੀ ਸਿਹਤਯਾਬੀ ਦੀ ਕਾਮਨਾਂ ਕਰਦਾ ਹਾਂ।”

ਉਨ੍ਹਾਂ ਕਿਹਾ ਕਿ ਸਾਊਦੀ ਅਧਿਕਾਰੀਆਂ ਨਾਲ ਲਗਾਤਾਰ ਸੰਪਰਕ ਵਿੱਚ ਰਹਿੰਦਿਆਂ, ਭਾਰਤੀ ਦੂਤਾਵਾਸ ਪ੍ਰਭਾਵਿਤ ਲੋਕਾਂ ਦੀ ਪੂਰੀ ਮਦਦ ਕਰ ਰਿਹਾ ਹੈ।

ਦੂਤਾਵਾਸ ਅਤੇ ਕੌਂਸਲੇਟ ‘ਫੁੱਲ ਅਲਰਟ’ 'ਤੇ

PM ਮੋਦੀ ਨੇ ਇਹ ਵੀ ਦੱਸਿਆ ਕਿ ਰਿਆਦ ਵਿਚ ਭਾਰਤੀ ਦੂਤਾਵਾਸ ਅਤੇ ਜੇਦਾਹ ਵਿਚ ਕੌਂਸਲੇਟ ਨੇ ਐਮਰਜੈਂਸੀ ਸਹਾਇਤਾ ਸ਼ੁਰੂ ਕਰ ਦਿੱਤੀ ਹੈ। ਅਧਿਕਾਰੀ ਸਥਾਨਕ ਪ੍ਰਸ਼ਾਸਨ ਨਾਲ ਮਿਲ ਕੇ ਜ਼ਰੂਰੀ ਕਾਰਵਾਈ ਕਰ ਰਹੇ ਹਨ।

ਵਿਦੇਸ਼ ਮੰਤਰੀ ਜੈਸ਼ੰਕਰ ਨੇ ਵੀ ਜਤਾਇਆ ਦੁੱਖ

ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਨੇ ਪੋਸਟ ਕਰਦੇ ਹੋਏ ਲਿਖਿਆ,
"ਇਹ ਭਿਆਨਕ ਘਟਨਾ ਦੇਸ਼ ਲਈ ਵੱਡਾ ਸਦਮਾ ਹੈ। ਸਾਡੇ ਸਾਰੇ ਦੂਤਾਵਾਸ ਕਰਮਚਾਰੀ ਪ੍ਰਭਾਵਿਤ ਪਰਿਵਾਰਾਂ ਨਾਲ ਸੰਪਰਕ ਵਿੱਚ ਹਨ ਅਤੇ ਹਰ ਸੰਭਵ ਸਹਾਇਤਾ ਦਿੱਤੀ ਜਾ ਰਹੀ ਹੈ।”

24×7 ਕੰਟਰੋਲ ਰੂਮ ਐਕਟੀਵੇਟ

ਜੇਦਾਹ ਕੌਂਸਲੇਟ ਨੇ ਤੁਰੰਤ ਇੱਕ 24 ਘੰਟੇ ਚੱਲਣ ਵਾਲਾ ਹੇਲਪ ਸੈਂਟਰ ਸ਼ੁਰੂ ਕਰ ਦਿੱਤਾ ਹੈ, ਤਾਂ ਜੋ ਪੀੜਤ ਪਰਿਵਾਰ ਮਦਦ ਅਤੇ ਤਾਜ਼ਾ ਜਾਣਕਾਰੀ ਲੈ ਸਕਣ।

ਤੇਲੰਗਾਨਾ ਸਰਕਾਰ ਵੀ ਹਰਕਤ ਵਿੱਚ

ਕਿਉਂਕਿ ਜ਼ਿਆਦਾਤਰ ਪੀੜਤ ਹੈਦਰਾਬਾਦ ਦੇ ਰਹਿਣ ਵਾਲੇ ਦੱਸੇ ਜਾ ਰਹੇ ਹਨ, ਇਸ ਲਈ ਤੇਲੰਗਾਨਾ ਦੇ CM ਏ. ਰੇਵੰਤ ਰੈੱਡੀ ਨੇ ਵੀ ਇਸ ਘਟਨਾ 'ਤੇ ਦੁੱਖ ਪ੍ਰਗਟ ਕਰਦੇ ਹੋਏ ਕੇਂਦਰ ਸਰਕਾਰ ਅਤੇ ਭਾਰਤੀ ਦੂਤਾਵਾਸ ਨਾਲ ਸੰਪਰਕ ਬਣਾਇਆ ਹੈ।

Powered by Froala Editor

Saudi Arabia Bus Accident PM Modi Expresses Grief Prays For The Injured Read Full Statement