Bangladesh Violence: ਭੀੜ ਨੇ ਇੱਕ ਹੋਰ ਹਿੰਦੂ ਨੌਜਵਾਨ ਨੂੰ ਕੁੱਟ-ਕੁੱਟ ਕੇ ਮਾਰਿਆ; ਮੌ*ਤ ਤੋਂ ਬਾਅਦ Police ਨੇ ਕੀਤਾ ਵੱਡਾ ਖੁਲਾਸਾ

ਢਾਕਾ/ਰਾਜਬਾੜੀ, 26 ਦਸੰਬਰ: ਬੰਗਲਾਦੇਸ਼ (Bangladesh) ਵਿੱਚ ਘੱਟ ਗਿਣਤੀ ਹਿੰਦੂਆਂ (Hindus) 'ਤੇ ਹਮਲੇ ਅਤੇ ਭੀੜ ਵੱਲੋਂ ਇਨਸਾਫ ਕਰਨ ਦੀਆਂ ਘਟਨਾਵਾਂ ਰੁਕਣ ਦਾ ਨਾਮ ਨਹੀਂ ਲੈ ਰਹੀਆਂ। ਤਾਜ਼ਾ ਮਾਮਲਾ ਰਾਜਬਾੜੀ (Rajbari) ਜ਼ਿਲ੍ਹੇ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਹਿੰਦੂ ਨੌਜਵਾਨ ਨੂੰ ਭੀੜ ਨੇ ਬੇਰਹਿਮੀ ਨਾਲ ਕੁੱਟ-ਕੁੱਟ ਕੇ ਮੌਤ ਦੇ ਘਾਟ ਉਤਾਰ ਦਿੱਤਾ ਹੈ। ਹਾਲਾਂਕਿ, ਪੁਲਿਸ (Police) ਇਸ ਘਟਨਾ ਨੂੰ ਫਿਰਕੂ ਹਿੰਸਾ ਦੀ ਬਜਾਏ ਅਪਰਾਧਿਕ ਮਾਮਲੇ ਅਤੇ ਜਬਰਨ ਵਸੂਲੀ (Extortion) ਨਾਲ ਜੋੜ ਕੇ ਦੇਖ ਰਹੀ ਹੈ।

ਕੀ ਹੈ ਪੂਰਾ ਮਾਮਲਾ?

ਘਟਨਾ ਬੁੱਧਵਾਰ ਦੇਰ ਰਾਤ ਕਰੀਬ 11 ਵਜੇ ਪਾਂਸ਼ਾ ਇਲਾਕੇ ਵਿੱਚ ਵਾਪਰੀ। ਮ੍ਰਿਤਕ ਦੀ ਪਛਾਣ ਅੰਮ੍ਰਿਤ ਮੰਡਲ ਉਰਫ਼ ਸਮਰਾਟ (Amrit Mandal aka Samrat) ਵਜੋਂ ਹੋਈ ਹੈ। ਸਥਾਨਕ ਲੋਕਾਂ ਦਾ ਦੋਸ਼ ਹੈ ਕਿ ਸਮਰਾਟ ਆਪਣੇ ਸਾਥੀਆਂ ਨਾਲ ਮਿਲ ਕੇ ਪਿੰਡ ਦੇ ਇੱਕ ਵਿਅਕਤੀ ਸ਼ਾਹਿਦੁਲ ਇਸਲਾਮ ਤੋਂ ਪੈਸਿਆਂ ਦੀ ਉਗਰਾਹੀ (Extortion) ਕਰਨ ਆਇਆ ਸੀ। ਜਦੋਂ ਪਰਿਵਾਰ ਨੇ "ਚੋਰ-ਚੋਰ" ਦਾ ਰੌਲਾ ਪਾਇਆ ਤਾਂ ਪਿੰਡ ਵਾਸੀ ਇਕੱਠੇ ਹੋ ਗਏ। ਭੀੜ ਨੇ ਸਮਰਾਟ ਨੂੰ ਘੇਰ ਲਿਆ ਅਤੇ ਕੁੱਟ-ਕੁੱਟ ਕੇ ਮਾਰ ਦਿੱਤਾ, ਜਦਕਿ ਉਸਦੇ ਬਾਕੀ ਸਾਥੀ ਫਰਾਰ ਹੋ ਗਏ।

Police ਦਾ ਦਾਅਵਾ: ਮ੍ਰਿਤਕ ਸੀ Criminal

ਬੰਗਲਾਦੇਸ਼ ਪੁਲਿਸ ਨੇ ਦਾਅਵਾ ਕੀਤਾ ਹੈ ਕਿ ਮ੍ਰਿਤਕ ਅੰਮ੍ਰਿਤ ਮੰਡਲ ਕੋਈ ਆਮ ਨਾਗਰਿਕ ਨਹੀਂ, ਸਗੋਂ ਇੱਕ ਪੇਸ਼ੇਵਰ ਅਪਰਾਧੀ (Criminal) ਸੀ।

ਗੈਂਗ ਦਾ ਮੁਖੀ: ਪੁਲਿਸ ਮੁਤਾਬਕ ਉਹ 'ਸਮਰਾਟ ਵਾਹਿਨੀ' ਨਾਮ ਦਾ ਗੈਂਗ ਚਲਾਉਂਦਾ ਸੀ।

ਕੇਸ ਦਰਜ: ਉਸ 'ਤੇ ਕਤਲ (Murder) ਅਤੇ ਧਮਕੀਆਂ ਦੇਣ ਦੇ ਕਈ ਕੇਸ ਦਰਜ ਸਨ।

ਭਾਰਤ ਕੁਨੈਕਸ਼ਨ: ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਲੰਬੇ ਸਮੇਂ ਤੋਂ ਭਾਰਤ (India) ਵਿੱਚ ਲੁਕਿਆ ਹੋਇਆ ਸੀ ਅਤੇ ਹਾਲ ਹੀ ਵਿੱਚ ਵਾਪਸ ਆਇਆ ਸੀ।

ਗ੍ਰਿਫਤਾਰੀ: ਪੁਲਿਸ ਨੇ ਸਮਰਾਟ ਦੇ ਇੱਕ ਸਾਥੀ ਮੁਹੰਮਦ ਸਲੀਮ ਨੂੰ ਪਿਸਤੌਲ (Pistol) ਸਮੇਤ ਗ੍ਰਿਫਤਾਰ ਕੀਤਾ ਹੈ।

ਪਹਿਲਾਂ ਦੀਪੂ ਚੰਦਰ ਦਾ ਹੋਇਆ ਸੀ ਕਤਲ

ਜ਼ਿਕਰਯੋਗ ਹੈ ਕਿ ਕੁਝ ਦਿਨ ਪਹਿਲਾਂ ਹੀ ਬੰਗਲਾਦੇਸ਼ ਵਿੱਚ ਦੀਪੂ ਚੰਦਰ (Dipu Chandra) ਨਾਮਕ ਹਿੰਦੂ ਵਿਅਕਤੀ ਦੀ ਵੀ ਭੀੜ ਵੱਲੋਂ ਹੱਤਿਆ ਕਰ ਦਿੱਤੀ ਗਈ ਸੀ। ਬੰਗਲਾਦੇਸ਼ ਦੀ ਅੰਤਰਿਮ ਸਰਕਾਰ ਦੇ ਮੁਖੀ ਮੁਹੰਮਦ ਯੂਨਸ (Muhammad Yunus) ਨੇ ਅਜਿਹੀਆਂ ਘਟਨਾਵਾਂ ਦੀ ਨਿੰਦਾ ਕਰਦਿਆਂ ਕਿਹਾ ਸੀ ਕਿ ਦੇਸ਼ ਵਿੱਚ ਭੀੜ ਤੰਤਰ (Mob Violence) ਲਈ ਕੋਈ ਥਾਂ ਨਹੀਂ ਹੈ।

Powered by Froala Editor

Bangladesh Violence Mob Beats Up Another Hindu Youth To Death Police Make Major Revelation After Death