Apple ਨੇ ਲਾਂਚ ਕੀਤੇ 6 ਨਵੇਂ ਡਿਵਾਈਸ, iPhone 18 Pro ਦਾ ਕੈਮਰਾ DSLR ਨੂੰ ਦੇਵੇਗਾ ਟੱਕਰ! 18 ਸਤੰਬਰ ਤੋਂ ਹੋਵੇਗੀ ਵਿਕਰੀ
Punjabi Pechan News / New Delhi
ਪਹਿਲੀ ਵਾਰ ਡਿਊਲ-ਬੈਟਰੀ ਸਿਸਟਮ, ਸਿਰਫ਼ e-SIM ਦਾ ਸਪੋਰਟ
IPhone Duo ਦੀ ਕੀਮਤ 4.50 ਲੱਖ ਤੱਕ, iPhone 18 Pro ਅਤੇ 18 Pro Max ਵੀ ਲਾਂਚ
Apple ਨੇ ਬੁੱਧਵਾਰ ਰਾਤ ਆਯੋਜਿਤ ਲਾਂਚ ਇਵੈਂਟ Surprise and Shine ਵਿੱਚ ਆਪਣੇ ਪਹਿਲੇ ਫੋਲਡੇਬਲ ਫੋਨ iPhone Duo ਸਮੇਤ 6 ਨਵੇਂ ਡਿਵਾਈਸ ਲਾਂਚ ਕੀਤੇ।
Apple ਨੇ ਬੁੱਧਵਾਰ ਰਾਤ ਆਯੋਜਿਤ ਲਾਂਚ ਇਵੈਂਟ Surprise and Shine ਵਿੱਚ ਆਪਣੇ ਪਹਿਲੇ ਫੋਲਡੇਬਲ ਫੋਨ iPhone Duo ਸਮੇਤ 6 ਨਵੇਂ ਡਿਵਾਈਸ ਲਾਂਚ ਕੀਤੇ। ਕੰਪਨੀ ਦੇ ਨਵੇਂ ਫੋਲਡੇਬਲ iPhone ਵਿੱਚ 5.4 ਇੰਚ ਦਾ ਕਵਰ ਡਿਸਪਲੇ ਅਤੇ ਅੰਦਰ 7.6 ਇੰਚ ਦੀ ਮੇਨ ਸਕਰੀਨ ਦਿੱਤੀ ਗਈ ਹੈ। ਇਹ ਹੁਣ ਤੱਕ ਕਿਸੇ ਵੀ iPhone ਵਿੱਚ ਦਿੱਤਾ ਗਿਆ ਸਭ ਤੋਂ ਵੱਡਾ ਡਿਸਪਲੇ ਦੱਸਿਆ ਜਾ ਰਿਹਾ ਹੈ।
iPhone Duo ਵਿੱਚ Apple ਨੇ ਪਹਿਲੀ ਵਾਰ ਡਿਊਲ-ਬੈਟਰੀ ਸਿਸਟਮ ਪੇਸ਼ ਕੀਤਾ ਹੈ। ਫੋਨ ਵਿੱਚ ਫਿਜ਼ੀਕਲ SIM ਕਾਰਡ ਦਾ ਸਲਾਟ ਨਹੀਂ ਦਿੱਤਾ ਗਿਆ ਹੈ, ਯਾਨੀ ਇਹ ਸਿਰਫ਼ e-SIM ਦੇ ਜ਼ਰੀਏ ਚੱਲੇਗਾ। ਕੰਪਨੀ ਨੇ ਦੋਵੇਂ ਫੋਨ ਵਿੱਚ ਹੁਣ ਤੱਕ ਦਾ ਪਾਵਰਫੁਲ ਪ੍ਰੋਸੈਸਰ ਦੇਣ ਦਾ ਦਾਅਵਾ ਕੀਤਾ ਹੈ। ਲੰਬੇ ਇਸਤੇਮਾਲ ਦੌਰਾਨ ਫੋਨ ਨੂੰ ਵੱਧ ਗਰਮ ਹੋਣ ਤੋਂ ਬਚਾਉਣ ਲਈ ਵੱਡਾ ਕੂਲਿੰਗ ਚੈਂਬਰ ਵੀ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਅਪਡੇਟਡ Siri AI ਫੀਚਰ ਵੀ ਮਿਲਣਗੇ।
iPhone Duo Apple ਦਾ ਹੁਣ ਤੱਕ ਦਾ ਸਭ ਤੋਂ ਮਹਿੰਗਾ iPhone ਦੱਸਿਆ ਜਾ ਰਿਹਾ ਹੈ।
ਇਸਦੀ ਸ਼ੁਰੂਆਤੀ ਕੀਮਤ ਕਰੀਬ 3 ਲੱਖ ਰੁਪਏ ਰੱਖੀ ਗਈ ਹੈ, ਜਦਕਿ ਟਾਪ ਮਾਡਲ ਦੀ ਕੀਮਤ ਕਰੀਬ 4.50 ਲੱਖ ਰੁਪਏ ਤੱਕ ਜਾਂਦੀ ਹੈ। ਭਾਰਤ ਵਿੱਚ ਇਸਦੀ ਬੁਕਿੰਗ 16 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ ਅਤੇ ਵਿਕਰੀ 23 ਅਕਤੂਬਰ ਤੋਂ ਸ਼ੁਰੂ ਹੋਣ ਦੀ ਗੱਲ ਕਹੀ ਗਈ ਹੈ।
Apple ਨੇ ਇਸ ਵਾਰ iPhone 18 ਸੀਰੀਜ਼ ਵਿੱਚ ਸਿਰਫ਼ ਪ੍ਰੀਮੀਅਮ ਮਾਡਲ iPhone 18 Pro ਅਤੇ iPhone 18 Pro Max ਪੇਸ਼ ਕੀਤੇ ਹਨ। ਦੋਵੇਂ ਮਾਡਲ ਵਿੱਚ ਸਭ ਤੋਂ ਵੱਡਾ ਅਪਗ੍ਰੇਡ ਮੇਨ ਕੈਮਰੇ ਵਿੱਚ ਵੇਖਣ ਨੂੰ ਮਿਲਿਆ ਹੈ।
ਇਸ ਵਿੱਚ ਪ੍ਰੋਫੈਸ਼ਨਲ DSLR ਕੈਮਰੇ ਵਰਗੀ ਤਕਨੀਕ ਦਿੱਤੇ ਜਾਣ ਦਾ ਦਾਅਵਾ ਕੀਤਾ ਗਿਆ ਹੈ।
iPhone 18 Pro ਦੀ ਸ਼ੁਰੂਆਤੀ ਕੀਮਤ 1,64,900 ਰੁਪਏ ਅਤੇ iPhone 18 Pro Max ਦੀ ਸ਼ੁਰੂਆਤੀ ਕੀਮਤ 1,79,900 ਰੁਪਏ ਦੱਸੀ ਗਈ ਹੈ। ਦੋਵੇਂ ਫੋਨ ਦੀ ਬੁਕਿੰਗ 12 ਸਤੰਬਰ ਤੋਂ ਸ਼ੁਰੂ ਹੋਵੇਗੀ, ਜਦਕਿ ਵਿਕਰੀ 18 ਸਤੰਬਰ ਤੋਂ ਸ਼ੁਰੂ ਹੋਵੇਗੀ।
ਲਾਂਚ ਇਵੈਂਟ ਵਿੱਚ Apple ਨੇ iPhone ਤੋਂ ਇਲਾਵਾ AirPods 5, Apple Watch Series 12 ਅਤੇ Watch Ultra 4 ਵੀ ਪੇਸ਼ ਕੀਤੇ। ਇਸ ਤਰ੍ਹਾਂ ਕੰਪਨੀ ਨੇ ਇੱਕ ਹੀ ਇਵੈਂਟ ਵਿੱਚ ਕੁੱਲ 6 ਨਵੇਂ ਡਿਵਾਈਸ ਲਾਂਚ ਕੀਤੇ ਹਨ।
Iphone 18 pro camera to rival dslrs
