ਫਰਿਜ਼ਨੋ ਵਿੱਚ ਸਿੱਖ ਵਿਰਾਸਤੀ ਮਹੀਨੇ ਨੂੰ ਸਮਰਪਿਤ ਸਮਾਗਮ 5 ਨਵੰਬਰ ਨੂੰ
Punjabi Pehchan / Fresno ,CA
ਸਿੱਖ ਭਾਈਚਾਰੇ ਦੇ ਯੋਗਦਾਨ ਨੂੰ ਮਿਲੇਗੀ ਮਾਨਤਾ; ਪਰਿਵਾਰਾਂ ਅਤੇ ਨੌਜਵਾਨਾਂ ਨੂੰ ਸ਼ਾਮਲ ਹੋਣ ਦਾ ਸੱਦਾ
ਫਰਿਜ਼ਨੋ, ਕੈਲੀਫੋਰਨੀਆ(ਪੰਜਾਬੀ ਪਹਿਚਾਣ)ਸਿੱਖ ਭਾਈਚਾਰੇ ਦੇ ਇਤਿਹਾਸ, ਵਿਰਸੇ, ਕਦਰਾਂ-ਕੀਮਤਾਂ ਅਤੇ ਸਮਾਜ ਪ੍ਰਤੀ ਯੋਗਦਾਨ ਨੂੰ ਸਮਰਪਿਤ ਵਿਸ਼ੇਸ਼ ਸਮਾਗਮ ਵੀਰਵਾਰ, 5 ਨਵੰਬਰ 2026 ਨੂੰ ਸਵੇਰੇ 9 ਵਜੇ ਫਰਿਜ਼ਨੋ ਸਿਟੀ ਹਾਲ ਵਿਖੇ ਕਰਵਾਇਆ ਜਾਵੇਗਾ।
ਪ੍ਰਬੰਧਕਾਂ ਵੱਲੋਂ ਜਾਰੀ ਸੱਦੇ ਅਨੁਸਾਰ, ਸਮਾਗਮ ਦੌਰਾਨ ਫਰਿਜ਼ਨੋ ਸ਼ਹਿਰ ਵੱਲੋਂ ਨਵੰਬਰ ਨੂੰ ‘ਸਿੱਖ ਵਿਰਾਸਤੀ ਮਹੀਨੇ’ ਵਜੋਂ ਮਾਨਤਾ ਦੇਣ ਲਈ ਵਿਸ਼ੇਸ਼ ਐਲਾਨਨਾਮਾ ਪੇਸ਼ ਕੀਤਾ ਜਾਵੇਗਾ।
ਸਮੂਹ ਭਾਈਚਾਰੇ, ਪਰਿਵਾਰਾਂ ਅਤੇ ਖ਼ਾਸ ਕਰਕੇ ਨੌਜਵਾਨਾਂ ਨੂੰ ਇਸ ਮੌਕੇ ਸ਼ਮੂਲੀਅਤ ਕਰਨ ਦੀ ਅਪੀਲ ਕੀਤੀ ਗਈ ਹੈ। ਪ੍ਰਬੰਧਕਾਂ ਅਨੁਸਾਰ, ਇਹ ਸਮਾਗਮ ਸਿੱਖ ਵਿਰਸੇ ਦਾ ਸਨਮਾਨ ਕਰਨ ਦੇ ਨਾਲ ਨਵੀਂ ਪੀੜ੍ਹੀ ਨੂੰ ਆਪਣੀਆਂ ਜੜ੍ਹਾਂ ਨਾਲ ਜੋੜਨ ਅਤੇ ਫਰਿਜ਼ਨੋ ਤੇ ਅਮਰੀਕਾ ਦੀ ਤਰੱਕੀ ਵਿੱਚ ਸਿੱਖਾਂ ਦੇ ਯੋਗਦਾਨ ਬਾਰੇ ਜਾਣੂ ਕਰਵਾਉਣ ਦਾ ਮੌਕਾ ਹੋਵੇਗਾ।
ਬਰਾਬਰੀ, ਸੇਵਾ, ਦਇਆ ਅਤੇ ਏਕਤਾ ਦੇ ਸੰਦੇਸ਼ ਨੂੰ ਉਭਾਰਦੇ ਇਸ ਸਮਾਗਮ ਵਿੱਚ ਹਰ ਕਿਸੇ ਦਾ ਸਵਾਗਤ ਹੈ। ਭਾਈਚਾਰੇ ਨੂੰ ਇਹ ਸੱਦਾ ਆਪਣੇ ਪਰਿਵਾਰਾਂ ਅਤੇ ਦੋਸਤਾਂ ਨਾਲ ਸਾਂਝਾ ਕਰਨ ਦੀ ਅਪੀਲ ਵੀ ਕੀਤੀ ਗਈ ਹੈ।
ਸਥਾਨ: ਫਰਿਜ਼ਨੋ ਸਿਟੀ ਹਾਲ, 2600 ਫਰਿਜ਼ਨੋ ਸਟ੍ਰੀਟ, ਫਰਿਜ਼ਨੋ, ਕੈਲੀਫੋਰਨੀਆ 93721
ਮਿਤੀ ਅਤੇ ਸਮਾਂ: ਵੀਰਵਾਰ, 5 ਨਵੰਬਰ 2026, ਸਵੇਰੇ 9 ਵਜੇ।
ਮਿਤੀ ਅਤੇ ਸਮਾਂ: ਵੀਰਵਾਰ, 5 ਨਵੰਬਰ 2026, ਸਵੇਰੇ 9 ਵਜੇ।
Sikh Heritage Month 2026 Fresno Sikh Community Fresno City Hall Sikh Heritage Proclamation Sikh Youth Sikhs In California Punjabi Pehchan
