ਟੈਕਨੋਲੋਜੀ ਡੈਸਕ :  iPhone 16 ਜਲਦ ਲਾਂਚ ਹੋਣ ਜਾ ਰਿਹਾ ਹੈ। ਐਪਲ ਇਸ ਸਾਲ ਸਤੰਬਰ ਮਹੀਨੇ ਵਿਚ ਆਪਣਾ ਈਵੈਂਟ ਆਯੋਜਿਤ ਕਰੇਗਾ। ਇਹ ਇਵੈਂਟ iPhone 16 ਸੀਰੀਜ਼ ਦੇ ਨਾਲ Apple Watch Series 10, AirPods 4 ਅਤੇ ਹੋਰ ਵੀ ਬਹੁਤ ਕੁਝ ਲੈ ਕੇ ਆਵੇਗਾ। ਜਾਣਕਾਰੀ ਮੁਤਾਬਕ ਐਪਲ ਈਵੈਂਟ 10 ਸਤੰਬਰ ਨੂੰ ਹੋਵੇਗਾ। 10 ਸਤੰਬਰ ਨੂੰ, IST ਰਾਤ 10:30 ਵਜੇ, "ਰੈਡੀ ਸੈੱਟ ਕੈਪਚਰ" ਈਵੈਂਟ ਐਪਲ ਪਾਰਕ, ਕੈਲੀਫੋਰਨੀਆ, ਯੂਐਸ ਵਿਚ ਹੋਵੇਗਾ। ਹਾਲਾਂਕਿ, ਅਜੇ ਤੱਕ ਐਪਲ ਨੇ ਇਸਦਾ ਐਲਾਨ ਨਹੀਂ ਕੀਤਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਪੂਰਵ-ਆਰਡਰ ਲਗਭਗ ਤਿੰਨ ਦਿਨ ਬਾਅਦ, ਸੰਭਾਵਤ ਤੌਰ 'ਤੇ 13 ਸਤੰਬਰ ਨੂੰ ਸ਼ੁਰੂ ਹੋ ਸਕਦੇ ਹਨ, ਜਦੋਂ ਕਿ ਫੋਨ ਇੱਕ ਹਫ਼ਤੇ ਬਾਅਦ, ਸੰਭਾਵਤ ਤੌਰ 'ਤੇ 20 ਸਤੰਬਰ ਨੂੰ ਸਟੋਰਾਂ ਵਿਚ ਖਰੀਦ ਲਈ ਉਪਲਬਧ ਕਰਵਾਏ ਜਾ ਸਕਦੇ ਹਨ। ਇਹ ਸਮਾਂ-ਰੇਖਾ ਦੱਖਣੀ ਕੋਰੀਆਈ ਕੈਰੀਅਰਾਂ ਦੀਆਂ ਰਿਪੋਰਟਾਂ 'ਤੇ ਆਧਾਰਿਤ ਹੈ।

iPhone 16 ਸੀਰੀਜ਼ ਦੀ ਕੀਮਤ (ਅਨੁਮਾਨਿਤ)

 iPhone 15 ਦਾ ਬੇਸ ਵੇਰੀਐਂਟ 79,900 ਰੁਪਏ ਵਿੱਚ ਲਾਂਚ ਕੀਤਾ ਗਿਆ ਸੀ ਅਤੇ ਇਸ ਤੋਂ ਪਹਿਲਾਂ iPhone 14 ਦਾ ਬੇਸ ਵੇਰੀਐਂਟ ਵੀ 79,900 ਰੁਪਏ ਵਿੱਚ ਲਾਂਚ ਕੀਤਾ ਗਿਆ ਸੀ। ਇਸ ਲਈ ਉਮੀਦ ਕੀਤੀ ਜਾ ਰਹੀ ਹੈ ਕਿ iPhone 16 ਦਾ ਬੇਸ ਵੇਰੀਐਂਟ 79,900 ਰੁਪਏ 'ਚ ਆ ਸਕਦਾ ਹੈ।

ਇਸ ਦੇ ਨਾਲ ਹੀ ਮੰਨਿਆ ਜਾ ਰਿਹਾ ਹੈ ਕਿ ਇਸ ਵਾਰ ਵੀ iPhone 16 ਸੀਰੀਜ਼ ਦੇ ਸਭ ਤੋਂ ਵੱਡੇ ਮਾਡਲ ਦੀ ਕੀਮਤ 2 ਲੱਖ ਰੁਪਏ ਦੇ ਕਰੀਬ ਪਹੁੰਚ ਸਕਦੀ ਹੈ। ਇਸ ਦੇ ਨਾਲ ਹੀ ਲੀਕਸ 'ਚ ਚਰਚਾ ਹੈ ਕਿ iPhone 16 Pro ਨੂੰ 1TB ਮੈਮਰੀ ਨਾਲ ਵੀ ਲਾਂਚ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ, ਇੱਕ ਲੀਕ ਦੇ ਅਨੁਸਾਰ, ਭਾਰਤ ਵਿੱਚ iPhone 16 Pro ਦੀ ਸ਼ੁਰੂਆਤੀ ਕੀਮਤ 1,19,900 ਰੁਪਏ ਰੱਖੀ ਜਾ ਸਕਦੀ ਹੈ। ਆਈਫੋਨ 16 ਪਲੱਸ ਦੀ ਕੀਮਤ ਭਾਰਤ 'ਚ 89,900 ਰੁਪਏ ਤੋਂ ਸ਼ੁਰੂ ਹੋ ਸਕਦੀ ਹੈ ਅਤੇ ਆਈਫੋਨ 16 ਦੀ ਕੀਮਤ ਭਾਰਤ 'ਚ 79,900 ਰੁਪਏ ਰੱਖੀ ਜਾ ਸਕਦੀ ਹੈ।

 ਇਸ ਸਾਲ ਆਉਣਗੇ ਇਹ ਆਈਫੋਨ

2024 ਦੇ iPhones iOS 18 ਆਪਰੇਟਿੰਗ ਸਿਸਟਮ 'ਤੇ ਚੱਲਣਗੇ। ਇਸ ਸੀਰੀਜ਼ 'ਚ ਚਾਰ ਮਾਡਲ ਪੇਸ਼ ਕੀਤੇ ਜਾ ਸਕਦੇ ਹਨ, ਜਿਨ੍ਹਾਂ 'ਚ iPhone 16, iPhone 16 Plus, iPhone 16 Pro ਅਤੇ iPhone 16 Pro Max ਸ਼ਾਮਲ ਹੋਣਗੇ। ਮੰਨਿਆ ਜਾਂਦਾ ਹੈ ਕਿ ਸੀਰੀਜ਼ ਦੇ 'ਸਸਤੀ' ਆਈਫੋਨਸ - ਆਈਫੋਨ 16 ਅਤੇ ਆਈਫੋਨ 16 ਪਲੱਸ ਨੂੰ A18 ਬਾਇਓਨਿਕ ਚਿੱਪਸੈੱਟ ਮਿਲਣ ਦੀ ਸੰਭਾਵਨਾ ਹੈ।

ਇਸ ਦੇ ਨਾਲ ਹੀ, A18 ਪ੍ਰੋ ਪ੍ਰੋਸੈਸਰ ਪ੍ਰੋ ਮਾਡਲਾਂ ਯਾਨੀ iPhone 16 Pro ਅਤੇ iPhone 16 Pro Max ਵਿੱਚ ਉਪਲਬਧ ਹੋਣ ਦੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ ਆਈਫੋਨ 16 ਪਲੱਸ SE/iPhone SE (2024) ਨੂੰ ਵੀ ਇਸ ਸਾਲ ਲਾਂਚ ਕੀਤਾ ਜਾ ਸਕਦਾ ਹੈ।

Powered by Froala Editor

IPhone 16 May Be Launched Next Month Along With These Products Will Be Presented