Vivo Y300+ ਦੀ ਭਾਰਤੀ ਕੀਮਤ ਤੇ ਸਪੈਸੀਫਿਕੇਸ਼ਨ ਲੀਕ, 8 GB ਰੈਮ ਤੇ 128 GB ਸਟੋਰੇਜ ਨਾਲ ਹੋਵੇਗਾ ਲਾਂਚ
Punjabi Pehchan / Technology
ਲਾਈਵ ਪੰਜਾਬੀ ਟੀਵੀ ਬਿਊਰੋ : ਵੀਵੋ ਭਾਰਤੀ ਬਾਜ਼ਾਰ ਵਿਚ ਆਪਣੀ Y300 ਸੀਰੀਜ਼ ਲਿਆਉਣ ਦੀ ਤਿਆਰੀ ਕਰ ਰਿਹਾ ਹੈ। ਇਸ ਦੇ ਤਹਿਤ ਆਉਣ ਵਾਲਾ Vivo Y300+ ਮਾਡਲ ਜਲਦ ਹੀ ਭਾਰਤੀ ਬਾਜ਼ਾਰ 'ਚ ਆਉਣ ਦੀ ਸੰਭਾਵਨਾ ਹੈ। ਹਾਲਾਂਕਿ ਬ੍ਰਾਂਡ ਦੁਆਰਾ ਅਧਿਕਾਰਤ ਘੋਸ਼ਣਾ ਅਜੇ ਬਾਕੀ ਹੈ, ਇਸ ਤੋਂ ਪਹਿਲਾਂ ਡਿਵਾਈਸ ਦੀ ਕੀਮਤ ਅਤੇ ਮੁੱਖ ਵਿਸ਼ੇਸ਼ਤਾਵਾਂ ਨਾਲ ਜੁੜੀ ਜਾਣਕਾਰੀ ਲੀਕ ਹੋ ਚੁੱਕੀ ਹੈ। ਆਓ, ਅਸੀਂ ਤੁਹਾਨੂੰ ਅੱਗੇ ਦੱਸਦੇ ਹਾਂ ਕਿ Vivo Y300 Plus ਵਿਚ ਕਿਹੜੇ-ਕਿਹੜੇ ਫੀਚਰਜ਼ ਮਿਲ ਸਕਦੇ ਹਨ ਅਤੇ ਕਿਸ ਕੀਮਤ 'ਤੇ।
Vivo Y300+ ਦੀ ਕੀਮਤ
ਟਿਪਸਟਰ ਅਭਿਸ਼ੇਕ ਯਾਦਵ ਨੇ ਸੋਸ਼ਲ ਮੀਡੀਆ ਸਾਈਟ X 'ਤੇ Vivo Y300+ ਦੇ ਵੇਰਵੇ ਸਾਂਝੇ ਕੀਤੇ ਹਨ।
ਕੀਮਤ ਦੇ ਬਾਰੇ 'ਚ ਜਾਣਕਾਰੀ ਦਿੱਤੀ ਗਈ ਹੈ ਕਿ ਆਉਣ ਵਾਲਾ ਹੈਂਡਸੈੱਟ ਭਾਰਤ 'ਚ 23,999 ਰੁਪਏ 'ਚ ਆ ਸਕਦਾ ਹੈ। ਇਹ ਇਸਦੀ 8GB RAM + 128GB ਸਟੋਰੇਜ ਦੀ ਕੀਮਤ ਹੋਣ ਦੀ ਸੰਭਾਵਨਾ ਹੈ।
ਡਿਸਪਲੇ : ਲੀਕ ਦੇ ਅਨੁਸਾਰ, Vivo Y300 Plus 5G ਸਮਾਰਟਫੋਨ ਵਿਚ 6.78-ਇੰਚ ਦੀ OLED ਡਿਸਪਲੇਅ ਹੋਣ ਦੀ ਉਮੀਦ ਹੈ। ਇਸ 'ਤੇ ਗਾਹਕ FHD+ ਰੈਜ਼ੋਲਿਊਸ਼ਨ ਸਪੋਰਟ ਲੈ ਸਕਦੇ ਹਨ।
ਪ੍ਰੋਸੈਸਰ : Vivo Y300+ ਫੋਨ ਬਾਰੇ ਇਕ ਚੀਜ਼ ਜੋ ਭਾਰਤੀ ਉਪਭੋਗਤਾਵਾਂ ਨੂੰ ਨਿਰਾਸ਼ ਕਰ ਸਕਦੀ ਹੈ ਉਹ ਹੈ ਇਸਦਾ ਪ੍ਰੋਸੈਸਰ। ਦਰਅਸਲ, ਇਹ ਕਿਹਾ ਗਿਆ ਹੈ ਕਿ ਡਿਵਾਈਸ ਵਿੱਚ ਸਨੈਪਡ੍ਰੈਗਨ 695 ਦਿੱਤਾ ਜਾ ਸਕਦਾ ਹੈ, ਇਹ ਬਹੁਤ ਪੁਰਾਣਾ ਚਿਪਸੈੱਟ ਹੈ। ਤੁਸੀਂ ਸੋਸ਼ਲ ਮੀਡੀਆ ਪੋਸਟ 'ਚ ਦੇਖ ਸਕਦੇ ਹੋ ਕਿ ਟਿਪਸਟਰ ਨੇ ਇਸ ਚਿੱਪ ਨੂੰ ਲੈ ਕੇ ਹੱਸਣ ਵਾਲਾ ਇਮੋਜੀ ਵੀ ਬਣਾਇਆ ਹੈ।
ਰੈਮ ਤੇ ਸਟੋਰੇਜ : ਲੀਕ ਦੇ ਮੁਤਾਬਕ, Vivo Y300+ ਡਿਵਾਈਸ 8 GB ਤੱਕ ਰੈਮ ਤੇ 128 GB ਤੱਕ ਇੰਟਰਨਲ ਸਟੋਰੇਜ ਦੇ ਨਾਲ ਦਿੱਤੀ ਜਾ ਸਕਦੀ ਹੈ।
ਕੈਮਰਾ : ਕੈਮਰੇ ਦੀਆਂ ਵਿਸ਼ੇਸ਼ਤਾਵਾਂ ਦੀ ਗੱਲ ਕਰੀਏ ਤਾਂ ਮੋਬਾਈਲ ਵਿਚ ਡਿਊਲ ਰੀਅਰ ਕੈਮਰਾ ਸੈੱਟਅਪ ਹੋ ਸਕਦਾ ਹੈ। ਜਿਸ 'ਚ 50 ਮੈਗਾਪਿਕਸਲ ਦਾ ਪ੍ਰਾਇਮਰੀ ਅਤੇ 2 ਮੈਗਾਪਿਕਸਲ ਦਾ ਸੈਕੰਡਰੀ ਲੈਂਸ ਪਾਇਆ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 32 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਲਗਾਇਆ ਜਾ ਸਕਦਾ ਹੈ।
ਬੈਟਰੀ ਤੇ ਚਾਰਜਿੰਗ : ਪਾਵਰ ਬੈਕਅਪ ਲਈ, Vivo Y300 Plus ਵਿਚ ਇਕ ਵੱਡੀ 5000mAh ਬੈਟਰੀ ਦਿੱਤੀ ਜਾ ਸਕਦੀ ਹੈ। ਤੇਜ਼ ਚਾਰਜਿੰਗ ਲਈ ਇਸ ਨੂੰ 44W ਚਾਰਜਿੰਗ ਸਪੋਰਟ ਮਿਲਣ ਦੀ ਉਮੀਦ ਹੈ।
ਹੋਰ : ਹੋਰ ਵਿਸ਼ੇਸ਼ਤਾਵਾਂ ਦੀ ਗੱਲ ਕਰੀਏ ਤਾਂ ਮੋਬਾਈਲ ਵਿਚ ਧੂੜ ਅਤੇ ਪਾਣੀ ਦੀ ਸੁਰੱਖਿਆ IP54 ਰੇਟਿੰਗ, ਫਿੰਗਰਪ੍ਰਿੰਟ ਸੈਂਸਰ, 5G, 4G, Wi-Fi, ਬਲੂਟੁੱਥ ਵਰਗੇ ਕਈ ਫੀਚਰ ਦਿੱਤੇ ਜਾ ਸਕਦੇ ਹਨ।
ਵਜ਼ਨ ਅਤੇ ਮਾਪ : ਫ਼ੋਨ 7.57 ਮਿਲੀਮੀਟਰ ਅਤੇ 7.49 ਮਿਲੀਮੀਟਰ ਮੋਟਾਈ ਅਤੇ 183 ਗ੍ਰਾਮ ਅਤੇ 172 ਗ੍ਰਾਮ ਵਜ਼ਨ ਵਿੱਚ ਆ ਸਕਦਾ ਹੈ। ਇਹ ਸੰਭਵ ਤੌਰ 'ਤੇ ਦੋ ਵੱਖ-ਵੱਖ ਬੈਕ ਪੈਨਲਾਂ ਲਈ ਹੋ ਸਕਦਾ ਹੈ।
Powered by
Vivo y300 indian price specifications leaked ahead of launch
