Jio, Airtel ਤੋਂ ਬਾਅਦ ਹੁਣ VI ਨੇ ਗਾਹਕਾਂ ਨੂੰ ਦਿੱਤਾ ਵੱਡਾ ਝਟਕਾ, ਟੈਰਿਫ ਵਧਾਉਣ ਦਾ ਕੀਤਾ ਐਲਾਨ, ਇਸ ਤਰੀਕ ਤੋਂ ਹੋਣਗੇ ਲਾਗੂ
Punjabi Pehchan / TRADE
ਟਰੇਡ ਡੈਸਕ : ਰਿਲਾਇੰਸ ਜੀਓ ਅਤੇ ਏਅਰਟੈੱਲ ਤੋਂ ਬਾਅਦ ਹੁਣ ਵੋਡਾਫੋਨ-ਆਈਡੀਆ ਨੇ ਟੈਰਿਫ ਵਧਾਉਣ ਦਾ ਐਲਾਨ ਕੀਤਾ ਹੈ। ਕੰਪਨੀ ਨੇ ਪ੍ਰੀਪੇਡ ਅਤੇ ਪੋਸਟ-ਪੇਡ ਦੋਵਾਂ ਪਲਾਨਜ਼ ਲਈ ਟੈਰਿਫ ਵਧਾਉਣ ਦਾ ਐਲਾਨ ਕੀਤਾ ਹੈ। ਇਹ 4 ਜੁਲਾਈ ਤੋਂ ਲਾਗੂ ਹੋਵੇਗਾ। ਟੈਲੀਕਾਮ ਸਰਵਿਸ ਪ੍ਰੋਵਾਈਡਰ ਨੇ ਪਲਾਨਜ਼ ਵਿੱਚ 10-21 ਫੀਸਦੀ ਦਾ ਭਾਰੀ ਵਾਧਾ ਕੀਤਾ ਹੈ।
ਅਨਲਿਮਟਿਡ ਵੌਇਸ ਪਲਾਨ ਦੀ ਗੱਲ ਕਰੀਏ ਤਾਂ 28 ਦਿਨਾਂ ਲਈ 179 ਰੁਪਏ ਵਾਲਾ ਪਲਾਨ 199 ਰੁਪਏ ਦਾ ਹੋ ਗਿਆ ਹੈ। 84 ਦਿਨਾਂ ਲਈ 459 ਰੁਪਏ ਦਾ ਪਲਾਨ 509 ਰੁਪਏ ਦਾ ਹੋ ਗਿਆ। 365 ਦਿਨਾਂ ਲਈ 1799 ਰੁਪਏ ਦਾ ਪਲਾਨ 1999 ਰੁਪਏ ਦਾ ਹੋ ਗਿਆ। 28 ਦਿਨਾਂ ਦਾ 269 ਅਤੇ 299 ਰੁਪਏ ਦਾ ਪਲਾਨ 299 ਅਤੇ 349 ਰੁਪਏ ਦਾ ਹੋ ਗਿਆ ਹੈ। 319 ਰੁਪਏ ਦਾ 1 ਮਹੀਨੇ ਦਾ ਪਲਾਨ 379 ਰੁਪਏ ਹੋ ਗਿਆ ਹੈ। ਡਾਟਾ ਐਡ-ਆਨ ਪਲਾਨ ਦੀ ਗੱਲ ਕਰੀਏ ਤਾਂ 19 ਰੁਪਏ ਵਾਲਾ ਪਲਾਨ 22 ਰੁਪਏ ਦਾ ਅਤੇ 39 ਰੁਪਏ ਵਾਲਾ ਪਲਾਨ 48 ਰੁਪਏ ਦਾ ਹੋ ਗਿਆ ਹੈ। ਇਨ੍ਹਾਂ ਪਲਾਨ ਦੀ ਵੈਲਡਿਟੀ 1 ਅਤੇ 3 ਦਿਨਾਂ ਦੀ ਹੈ। ਪੋਸਟ-ਪੇਡ ਪਲਾਨ ਦੀ ਗੱਲ ਕਰੀਏ ਤਾਂ 401, 501 ਰੁਪਏ ਦਾ ਵਿਅਕਤੀਗਤ ਮੰਥਲੀ ਰੇਂਟ ਹੁਣ 451, 551 ਰੁਪਏ ਹੋ ਗਿਆ ਹੈ। ਪਰਿਵਾਰਕ ਯੋਜਨਾ 601, 1001 ਰੁਪਏ ਤੋਂ ਵਧ ਕੇ 701, 1201 ਰੁਪਏ ਹੋ ਗਈ ਹੈ।
After Jio Airtel Now VI Has Given A Big Blow To Customers Announced Tariff Increase Will Be Effective From This Date
