ਨਹਿਰ ’ਚੋਂ ਮਿਲੀ ਲਾਪਤਾ ਬਜ਼ੁਰਗ ਅਜੀਤ ਕੌਰ ਦੀ ਲਾ ਸ਼
Punjabi Pehchan / Ceres ,ca
ਦੋ ਮਹੀਨੇ ਤੂੰ ਜ਼ਿਆਦਾ ਸਮੇਂ ਤੋਂ ਸਨ ਲਾਪਤਾ
ਸੀਰੀਜ਼, ਕੈਲੀਫੋਰਨੀਆ(ਪੰਜਾਬੀ ਪਹਿਚਾਣ )ਸਟੈਨਿਸਲਾਸ ਕਾਊਂਟੀ ਦੀ ਇੱਕ ਨਹਿਰ ਵਿੱਚੋਂ ਸ਼ਨੀਵਾਰ ਨੂੰ ਮਿਲੀ ਲਾਸ਼ ਦੀ ਪਛਾਣ ਸੀਰੀਜ਼ ਸ਼ਹਿਰ ਦੀ 72 ਸਾਲਾ ਅਜੀਤ ਕੌਰ ਵਜੋਂ ਹੋਈ ਹੈ। ਉਹ ਕਰੀਬ ਦੋ ਮਹੀਨੇ ਪਹਿਲਾਂ ਲਾਪਤਾ ਹੋ ਗਏ ਸਨ। ਸਥਾਨਕ ਪੁਲਿਸ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਪਰਿਵਾਰਕ ਮੈਂਬਰਾਂ ਅਨੁਸਾਰ ਅਜੀਤ ਕੌਰ ਨੂੰ ਆਖਰੀ ਵਾਰ 22 ਅਗਸਤ ਦੀ ਰਾਤ ਕਰੀਬ 10 ਵਜੇ 3100 ਵਿਟਮੋਰ ਐਵੇਨਿਊ ਸਥਿਤ ਆਪਣੇ ਅਪਾਰਟਮੈਂਟ ਨੇੜੇ ਸੈਰ ਕਰਦਿਆਂ ਦੇਖਿਆ ਗਿਆ ਸੀ। ਉਸ ਤੋਂ ਬਾਅਦ ਪਰਿਵਾਰ ਉਨ੍ਹਾਂ ਦੀ ਭਾਲ ਕਰ ਰਿਹਾ ਸੀ।
ਲਾਪਤਾ ਹੋਣ ਤੋਂ ਬਾਅਦ ਪਰਿਵਾਰ ਨੇ ਚਿੰਤਾ ਪ੍ਰਗਟਾਈ ਸੀ ਕਿ ਸ਼ਾਇਦ ਉਹ ਨਹਿਰ ਵਿੱਚ ਡਿੱਗ ਗਏ ਹੋਣ। ਪਰਿਵਾਰ ਮੁਤਾਬਕ ਉਹ ਅਕਸਰ ਸੈਰ ਲਈ ਜਾਂਦੇ ਸਨ ਅਤੇ ਉਨ੍ਹਾਂ ਦੀ ਇੱਕ ਅੱਖ ਦੀ ਨਜ਼ਰ ਕਮਜ਼ੋਰ ਸੀ।
ਸੀਰੀਜ਼ ਪੁਲਿਸ ਵਿਭਾਗ ਅਨੁਸਾਰ ਸ਼ਨੀਵਾਰ ਨੂੰ ਟਰਲਾਕ ਇਰੀਗੇਸ਼ਨ ਡਿਸਟ੍ਰਿਕਟ ਦੇ ਇੱਕ ਕਰਮਚਾਰੀ ਨੇ ਸੈਂਟਰਲ ਐਵੇਨਿਊ ਅਤੇ ਕੀਜ਼ ਰੋਡ ਨੇੜੇ ਸਟੈਨਿਸਲਾਸ ਕਾਊਂਟੀ ਦੀ ਨਹਿਰ ਵਿੱਚ ਲਾਸ਼ ਦੇਖਣ ਤੋਂ ਬਾਅਦ ਕਾਨੂੰਨ ਲਾਗੂ ਕਰਨ ਵਾਲੇ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ। ਕਾਊਂਟੀ ਕੋਰੋਨਰ ਦੇ ਦਫ਼ਤਰ ਨੇ ਮੰਗਲਵਾਰ ਨੂੰ ਲਾਸ਼ ਦੀ ਪਛਾਣ ਅਜੀਤ ਕੌਰ ਵਜੋਂ ਕੀਤੀ।
ਸੀਰੀਜ਼ ਪੁਲਿਸ ਵਿਭਾਗ ਨੇ ਅਜੀਤ ਕੌਰ ਦੇ ਪਰਿਵਾਰ ਅਤੇ ਅਜ਼ੀਜ਼ਾਂ ਨਾਲ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।
ਪੁਲਿਸ ਮੌਤ ਦੇ ਕਾਰਨਾਂ ਦੀ ਜਾਂਚ ਕਰ ਰਹੀ ਹੈ। ਇਸ ਮਾਮਲੇ ਬਾਰੇ ਜਾਣਕਾਰੀ ਰੱਖਣ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਡਿਟੈਕਟਿਵ ਸਾਰਜੈਂਟ ਬਰਬਰ ਨਾਲ 209-528-5672 ’ਤੇ ਸੰਪਰਕ ਕਰਨ ਲਈ ਕਿਹਾ ਗਿਆ ਹੈ।
Ajit kaur missing ceres woman stanislaus county canal ceres california news missing elderly woman ceres police department punjabi community news
