ਸਿਆਟਲ ਦੇ ਦੀਵਾਲੀ ਸਮਾਗਮ ’ਚ ਹਿੰਦੂ ਵਿਰੋਧੀ ਤਖ਼ਤੀਆਂ ਨਾਲ ਵਿਘਨ ਪਾਉਣ ਦੀ ਕੋਸ਼ਿਸ਼, ਪ੍ਰਮਿਲਾ ਜੈਪਾਲ ਵੱਲੋਂ ਨਿੰਦਾ
Punjabi Pehchan / Seattle,WA
ਸਿਆਟਲ ਸੈਂਟਰ ਦੇ ਆਰਮਰੀ ਹਾਲ ਵਿੱਚ ਸ਼ਨੀਵਾਰ, 7 ਨਵੰਬਰ ਨੂੰ ਚੱਲ ਰਾਹਾਂ ਸੀ ਦੀਵਾਲੀ ਦਾ ਪ੍ਰੋਗਰਾਮ
ਸਿਆਟਲ, ਵਾਸ਼ਿੰਗਟਨ (ਪੰਜਾਬੀ ਪਹਿਚਾਣ) — ਸਿਆਟਲ ਸੈਂਟਰ ਦੇ ਆਰਮਰੀ ਹਾਲ ਵਿੱਚ ਸ਼ਨੀਵਾਰ, 7 ਨਵੰਬਰ ਨੂੰ ਚੱਲ ਰਹੇ ਦੀਵਾਲੀ ਸਮਾਗਮ ਦੌਰਾਨ ਕੱਟੜ ਸੱਜੇਪੰਥੀ ਕਾਰਕੁਨ ਜੇਕ ਲੈਂਗ, ਥਾਮਸ ਐਲਨ ਅਤੇ ਹੋਰ ਪ੍ਰਦਰਸ਼ਨਕਾਰੀਆਂ ਨੇ ਹਿੰਦੂ ਵਿਰੋਧੀ ਤਖ਼ਤੀਆਂ ਲੈ ਕੇ ਸਮਾਗਮ ਵਿੱਚ ਵਿਘਨ ਪਾਉਣ ਦੀ ਕੋਸ਼ਿਸ਼ ਕੀਤੀ। ਇਹ ਘਟਨਾ ‘ਦੀਵਾਲੀ: ਲਾਈਟਸ ਆਫ਼ ਇੰਡੀਆ’ ਸਮਾਗਮ ਵਿੱਚ ਇੱਕ ਨਾਚ ਦੀ ਪੇਸ਼ਕਾਰੀ ਦੌਰਾਨ ਵਾਪਰੀ।
ਘਟਨਾ ਦੀਆਂ ਵੀਡੀਓਜ਼ ਵਿੱਚ ਪ੍ਰਦਰਸ਼ਨਕਾਰੀ ‘Deport All Dot Heads’ ਲਿਖੀ ਤਖ਼ਤੀ ਫੜੇ ਦਿਖਾਈ ਦਿੱਤੇ। ਇਸ ਵਿੱਚ ਮੱਥੇ ’ਤੇ ਬਿੰਦੀ ਲਾਉਣ ਵਾਲਿਆਂ ਲਈ ਅਪਮਾਨਜਨਕ ਸ਼ਬਦ ਵਰਤਦਿਆਂ ਉਨ੍ਹਾਂ ਨੂੰ ਦੇਸ਼ ਵਿੱਚੋਂ ਕੱਢਣ ਦੀ ਮੰਗ ਕੀਤੀ ਗਈ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ, ਸਮਾਗਮ ਵਿੱਚ ਮੌਜੂਦ ਕੁਝ ਲੋਕਾਂ ਨੇ ਦਖ਼ਲ ਦਿੱਤਾ ਅਤੇ ਪ੍ਰਦਰਸ਼ਨਕਾਰੀਆਂ ਨੂੰ ਹਾਲ ਤੋਂ ਬਾਹਰ ਲਿਜਾਇਆ ਗਿਆ। ਲੈਂਗ ਨੇ ਬਾਅਦ ਵਿੱਚ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਐਕਸ’ ’ਤੇ ਹਿੰਦੂ ਭਾਈਚਾਰੇ ਖ਼ਿਲਾਫ਼ ਅਪਮਾਨਜਨਕ ਟਿੱਪਣੀਆਂ ਕੀਤੀਆਂ।
ਅਮਰੀਕੀ ਕਾਂਗਰਸ ਮੈਂਬਰ ਪ੍ਰਮਿਲਾ ਜੈਪਾਲ ਨੇ ਐਤਵਾਰ, 8 ਨਵੰਬਰ ਨੂੰ ਇਸ ਘਟਨਾ ਨੂੰ ਨਸਲਵਾਦੀ ਕਰਾਰ ਦਿੰਦਿਆਂ ਕਿਹਾ ਕਿ ਭਾਈਚਾਰੇ ਨੂੰ ਸੁਰੱਖਿਅਤ ਮਾਹੌਲ ਵਿੱਚ ਦੀਵਾਲੀ ਮਨਾਉਣ ਦਾ ਹੱਕ ਹੈ। ਉਨ੍ਹਾਂ ਕਿਹਾ ਕਿ ਅਜਿਹੀ ਨਫ਼ਰਤ ਲਈ ਸਿਆਟਲ ਜਾਂ ਅਮਰੀਕਾ ਵਿੱਚ ਕੋਈ ਥਾਂ ਨਹੀਂ ਹੈ। ਭਾਰਤੀ-ਅਮਰੀਕੀ ਕਾਰੋਬਾਰੀ ਅਜੈ ਜੈਨ ਭੁਟੋਰੀਆ ਨੇ ਵੀ ਹਿੰਦੂ ਅਮਰੀਕੀਆਂ ਅਤੇ ਭਾਰਤੀ ਪ੍ਰਵਾਸੀਆਂ ਨੂੰ ਨਿਸ਼ਾਨਾ ਬਣਾਉਣ ਦੀ ਨਿੰਦਾ ਕੀਤੀ।
Seattle Diwali Celebration Seattle Center Armory Jake Lang Seattle Pramila Jayapal Diwali Response Anti Hindu Protest Seattle Diwali Lights Of India
