ਨਿੱਕੇ ਸਿੱਧੂ ਦੇ ਜਨਮ ਦਿਨ ‘ਤੇ ਹਵੇਲੀ ‘ਚ ਜਸ਼ਨ, ਮਾਤਾ ਚਰਨ ਕੌਰ ਨੇ ਪਾਈ ਭਾਵੁਕ ਪੋਸਟ
ਨਿੱਕੇ ਸਿੱਧੂ ਦੇ ਜਨਮ ਦਿਨ ‘ਤੇ ਹਵੇਲੀ ‘ਚ ਜਸ਼ਨ, ਮਾਤਾ ਚਰਨ ਕੌਰ ਨੇ ਪਾਈ ਭਾਵੁਕ ਪੋਸਟ
ਸਵਰਗੀ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਨਿੱਕੇ ਭਰਾ ਸੁਭਦੀਪ ਸਿੰਘ ਦਾ ਜਨਮਦਿਨ
ਹੈ। ਇਸ ਮੌਕੇ ‘ਤੇ ਪ੍ਰਸ਼ੰਸਕ ਸਿੱਧੂ ਮੂਸੇਵਾਲਾ ਦੀ ਹਵੇਲੀ ‘ਤੇ ਉਨ੍ਹਾਂ ਨੂੰ ਸ਼ੁਭਕਾਮਨਾਵਾਂ
ਦੇਣ ਲਈ ਪਹੁੰਚ ਰਹੇ ਹਨ। ਪ੍ਰਸ਼ੰਸਕ ਨਿੱਕੇ ਸਿੱਧੂ ਨਾਲ ਕੇਕ ਕੱਟ ਕੇ ਉਸ ਦਾ ਜਨਮਦਿਨ ਮਨਾ ਰਹੇ
ਹਨ। ਸਿੱਧੂ ਮੂਸੇਵਾਲਾ ਦੇ ਮਾਤਾ-ਪਿਤਾ, ਚਰਨ ਕੌਰ ਅਤੇ ਬਲਕੌਰ ਸਿੰਘ, ਉਨ੍ਹਾਂ ਦੇ ਘਰ ਆਉਣ ਵਾਲੇ ਹਰ ਵਿਅਕਤੀ ਦਾ ਸਵਾਗਤ
ਕਰ ਰਹੇ ਹਨ।
ਨਿੱਕਾ ਸਿੱਧੂ ਅੱਜ ਦੋ ਸਾਲ ਦਾ ਹੋ ਗਿਆ। ਸਿੱਧੂ ਮੂਸੇਵਾਲਾ ਦੇ ਵੱਡੀ ਗਿਣਤੀ ਵਿੱਚ
ਪ੍ਰਸ਼ੰਸਕ ਉਨ੍ਹਾਂ ਦੇ ਘਰ ਆ ਰਹੇ ਹਨ ਅਤੇ ਨਿੱਕੇ ਸਿੱਧੂ ਨਾਲ ਕੇਕ ਕੱਟ ਕੇ ਜਸ਼ਨ ਮਨਾ ਰਹੇ ਹਨ।
ਮਾਤਾ-ਪਿਤਾ ਚਰਨ ਕੌਰ ਅਤੇ ਬਲਕੌਰ ਸਿੰਘ ਉਨ੍ਹਾਂ ਦੇ ਘਰ ਆਉਣ ਵਾਲੇ ਹਰ ਵਿਅਕਤੀ ਦਾ ਧੰਨਵਾਦ ਕਰ
ਰਹੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਜਿਵੇਂ ਲੋਕ ਉਨ੍ਹਾਂ ਦੇ ਵੱਡੇ ਪੁੱਤਰ ਨੂੰ ਪਿਆਰ ਕਰਦੇ ਸਨ,
ਉਸੇ ਤਰ੍ਹਾਂ ਉਨ੍ਹਾਂ ਦੇ ਛੋਟੇ ਪੁੱਤਰ ਨੂੰ ਵੀ ਉਹੀ ਪਿਆਰ ਮਿਲ ਰਿਹਾ ਹੈ। ਸਿੱਧੂ
ਮੂਸੇਵਾਲਾ ਦੇ ਪਿਤਾ, ਬਲਕੌਰ ਸਿੰਘ ਨੇ ਕਿਹਾ ਕਿ ਭਾਵੇਂ ਉਨ੍ਹਾਂ ਦਾ ਵੱਡਾ ਪੁੱਤਰ ਹੁਣ ਇਸ ਦੁਨੀਆ ਵਿੱਚ
ਨਹੀਂ ਹੈ, ਪਰ ਉਸ ਦੇ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਨੂੰ ਕਦੇ ਵੀ ਉਸ ਦੀ ਘਾਟ ਮਹਿਸੂਸ ਨਹੀਂ ਹੋਣ
ਦਿੱਤੀ। ਇਸ ਦੌਰਾਨ, ਸਿੱਧੂ ਮੂਸੇਵਾਲਾ ਦੀ ਮਾਂ ਚਰਨ ਕੌਰ ਨੇ ਕਿਹਾ ਕਿ ਵਾਹਿਗੁਰੂ ਨੇ ਉਨ੍ਹਾਂ ਦੇ ਘਰ
ਖੁਸ਼ੀਆਂ ਵਾਪਸ ਲਿਆਂਦੀਆਂ ਹਨ ਅਤੇ ਲੋਕ ਉਨ੍ਹਾਂ ਦੇ ਛੋਟੇ ਪੁੱਤਰ ਨੂੰ ਪਿਆਰ ਕਰ ਰਹੇ ਹਨ ਅਤੇ
ਤਸਵੀਰਾਂ ਖਿੱਚਵਾ ਕੇ ਉਸ ਦਾ ਜਨਮ ਦਿਨ ਮਨਾ ਰਹੇ ਹਨ। ਇਸ ਸ਼ੁਭ ਮੌਕੇ ‘ਤੇ ਮਾਤਾ ਚਰਨ ਕੌਰ ਨੇ
ਭਾਵੁਕ ਪੋਸਟ ਵੀ ਪਾਈ, ਜਿਸ ਵਿਚ ਕਿਹਾ-
ਬਰਕਤਾਂ ਦੀ ਛਾਂ ਹੇਠਾਂ ਰਹੇ ਤੇਰਾ ਹਰ ਇਕ ਸਾਲ,
ਰੱਬ ਕਰੇ ਹੱਸਦਾ ਰਹੇਂ ਤੂੰ ਹਰ ਵੇਲੇ ਨਾਲ ਨਾਲ
ਅੱਜ ਦੋ ਸਾਲਾਂ ਦਾ ਹੋ ਗਿਆ ਸਾਡਾ ਨਿੱਕਾ ਚਾਨਣ,
ਤੇਰੇ ਨਾਲ ਰੌਸ਼ਨ ਹੋਇਆ ਸਾਡਾ ਸੁੰਨਾ ਆਂਗਣ
ਜਿੱਥੇ ਕਦੇ ਖਾਮੋਸ਼ੀ ਸੀ ਤੇ ਹੰਝੂਆਂ ਦਾ ਰਾਗ ਸੀ,
ਜਿਹੜੇ ਮਹਿਲਾ ਦੇ ਸੁੰਨੇ ਹੋ ਗਏ ਬਾਗ ਸੀ
ਤੂੰ ਆਕੇ ਜੋੜਿਆ ਜੋ ਹੋ ਗਿਆ ਵਿਰਾਨ ਸੀ,
ਤੇਰੇ ਨਿੱਕੇ ਨਿੱਕੇ ਕਦਮ ਸਾਡੀ ਰਾਹ ਬਣਾਉਂਦੇ ਨੇ,
ਤੇਰੀਆਂ ਗੱਲਾਂ ਸਾਡੇ ਦਿਲਾਂ ਨੂੰ ਜੀਣਾ ਸਿਖਾਉਂਦੇ ਨੇ
ਤੂੰ ਸਾਡੇ ਸੁੱਖ ਦਾ ਕਾਰਨ, ਸਾਡੀ ਦੁਆਵਾਂ ਦਾ ਨੂਰ ਏ,
ਸਾਡੇ ਹਰ ਸੁਪਨੇ ਦੇ ਹੋਣ ਦੀ ਹੋਂਦ ਏ
ਰੱਬ ਕਰੇ ਤੂੰ ਸਦਾ ਚੜ੍ਹਦੀ ਕਲਾ ਵਿੱਚ ਰਹੇਂ,
ਤੇਰੇ ਬਾਈ ਵੱਲੋਂ ਤੇ ਸਾਡੇ ਵੱਲੋਂ ਜਨਮਦਿਨ ਮੁਬਾਰਕ ਪੁੱਤ
Sidhu moosewala
